ცნობილი ადამიანები, რომლებიც სწრაფად დაოჯახდნენ და ინანეს კიდეც:
ჯულია რობერტსი და ლეილ ლოვეტი- ერთად მონაწილეობდნენ ფილმში “მოთამაშე" და გაცნობიდან 3 კვირაში დაქორწინდნენ. ქორწილის დღეს ჯულია ლოვეტის კონცერტს დაესწრო, სადაც მამაკაცმა სცენაზე აიყვანა და ქორწილის შესახებ საზოგადოებას აუწყა. ჯულია მუდმივად გადაღებებზე იყო, ამიტომ განსხვავებული გრაფიკების გამო 2 წლის შემდეგ დაშორდნენ. დაშორებამდე კი მსახიობი იტან ჰოუკთან ერთად ცეკვის დროს დაინახეს, რაც შეიძლება ბოლო წვეთიც ყოფილიყო.
ანჯელინა ჯოლი და ბილი ბობ ტორნტონი- წყვილმა ერთმანეთი 2000 წელს გაიცნო და 2 თვის შემდეგ იქორწინეს კიდეც. ცერემონია მექსიკაში ჰქოდათ, სადაც ორივე უბრალო ჯინსებით და სომბრეროებით მივიდა, ბეჭდები გაცვალეს და რესტორნისკენ გაეშურნენ. ქორწინებამ კი მხოლოდ 3 წელი გასტანა.
პამელა ანდერსონი და ტომი ლი- ერთმანეთი 1995 წელს გაიცნეს, თვენახევრის შემდეგ კი ასევე მექსიკაში დაქორწინდნენ პლიაჟზე. განქორწინების დოკუმენტები პამელამ 1996 წელს შეიტანა მაგრამ გადაიფიქრა, 1998 წელს კი უკვე საბოლოოდ დაშორდნენ.
ქლოი კარდაშიანი და ლამარ ოდონი- წყვილმა ერთმანეთი 2009 წელს გაიცნო, 1 თვის შემდეგ კი იქორწინეს. თითქოს ყველაფერი კარგად მიდიოდა, ერთნაირი ტატუები გაიკეთეს, შექმნეს თავიანთი რეალითი შოუ, ემზადებოდნენ ბავშვის გაჩენისთვის... მაგრამ, როგორც ამბობენ კალათბურთელი ქლოის ღალატობდა, შემდეგ ნარკოტიკებზე დამოკიდებული გახდა და მწვავე ინტოქსიკაციაც მოუვიდა. განქორწინების შესახებ დოკუმენტები კარდაშიანმა 2013 წელს შეიტანა, 2016 ში კი პროცესი დასრულდა.
ბრიტნი სპირსი და კევინ ფედერლაინი- წყვილმა გაცნობიდან 3 თვეში იქორწინა, 3 წელიწადში კი განქორწინდნენ. სწორედ ფედერლაინის გამო დაემართა ბრიტნის ფსიქიკური აშლილობა, როდესაც პაპარაცებს თავს დაესხა ქოლგით და თავი გადაიპარსა. წყვილს ქორწინებიდან 2 შვილი დარჩა, ხოლო ბრიტნი დღესაც ვალდებულია ალიმენტები უხადოს ყოფილ ქმარს შვილების გამო.
