იტალიელი ფიზიკოსი, ქიმიკოსი და ასტრონომი, ბუნების მეტყველების ერთ-ერთი ფუძემდებელი, პოეტი, ფილოლოგი და კრიტიკოსი იყო. 11 წლამდე სწავლობდა პიზაში, შემდეგ ვოლომბროსის მონასტერში. თვალის მძიმე დაავადების გამო მამამ ყმაწვილი მონასტრიდან გამოიყვანა და პიზის უნივერსიტეტში დააწყებინა მედიცინის შესწავლა. აქ გაეცნო პირველად არისტოტელეს ფიზიკას. გეომეტრიით გატაცებულმა მიატოვა მედიცინა და 4 წელი მათემატიკას სწავლობდა. ჰოლანდიაში სამზერი მილის გამოგონების შემდეგ 1609 წელს, მანაც ააგო ჯერ 3-ჯერადი, შემდეგ 32-ჯერადი გადიდების მქონე ტელესკოპი, რომლითაც აღმოაჩინა მანამდე უცნობი ციური სხეულები, აღმოაჩინა იუპიტერის 4 თანამგზავრი. იგი იცავდა კოპერნიკის იდეებს, რისთვისაც ინკვიზიცია დევნიდა. 1637 წელს გალილეო დაბრმავდა.1642 წელს გარდაიცვალა. მხოლოდ 1737 წელს აღსრულდა მისი უკანასკნელი სურვილი. მისი ცხედარი გადმოასვენეს ფლორენციაში და სანტა-კროჩეს ეკლესიაში მიქელანჯელოს გვერდით დაკრძალეს. მისი შემოქმედება არ შემოისაზღვრება მარტო მეცნიერებით. იგი იყო მუსიკოსი და მხატვარი.