ორი წლის კელვინ სანტოსი პნევმონიით გარდაიცვალა. მას ერთი დღე-ღამე დასტიროდნენ, დაკრძალვამდე ერთი საათით ადრე კი კელვინი გაცოცხლდა - წამოჯდა და მამას წყლის მოტანა სთხოვა. შემდეგ ბავშვი კვლავ დაწვა და მოკვდა. მამამ შვილი სასწრაფოდ საავადმყოფოში გააქანა, სადაც ექიმებმა გულდასმით გასინჯეს და კიდევ ერთხელ დაადასტურეს, რომ გარდაცვლილი იყო.

კელვინ სანტოსის მშობლები ამ შემთხვევის გამოძიებას ითხოვენ. მათ ექიმების კვალიფიციურობაში შეიტანეს ეჭვი. მედპერსონალის განცხადებით კი, ბავშვის გარდაცვალების მიზეზი პნევმონიის გართულება გახდა.