თუკი ერთხელ გემის ჩაძირვისას გადარჩით, შეგიძლიათ თავისუფლად ჩაეწეროთ იღბლიანთა სიაში, გემზე კი ფეხს მეორედ აღარც შედგამთ. აი ვაიოლეტ ჯესოპი კი ასეთი ადამიანების რიცხვს ნამდვილად არ მიეკუთვნება. ვაიოლეტი მედდად მუშაობდა სამივე გემზე, ოლიმპიკზე მუშაობის დროს, 1911 წლის 20 სექტემბერს გემი საბრძოლო ხომალდს შეეჯახა და ჩაძირვას სასწაულებრივ გადაურჩა, ტიტანიკი აისბერგს შეეჯახა 1912 წლის 15 აპრილს, როგორც ყველამ იცით, თუმცა მედდა აქაც გადარჩა, ბოლოს კი 1916 წლის 21 ნოემბერს ბრიტანიკი აფეთქდა წყალქვეშა ნაღმის გამო და ისიც ჩაიძირა, ქალი კი ისევ გადარჩა.

უნდა ითქვას, რომ ვაიოლეტი ბავშვობიდან იღბლიანი იყო, ადრეულ ასაკში იგი ტუბერკულოზით დაავადდა და ექიმები მხოლოდ რამდენიმე თვეს უქადდნენ. ვაიოლეტი კი ისევ გამოჯანმრთელდა და საკმაოდ ხანგრძლივი და შეიძლება ითქვას ექსტრემალური ცხოვრებითაც იცხოვრა.