ქვეყანას ეყოლება საკუთარი მთავრობა და ექნება საკუთარი ვალუტა.

2022 წელს წყნარ ოკეანეში გამოჩნდება პირველი დამოუკიდებელი მცურავი ქვეყანა. მოქალაქეები იქ იცხოვრებენ ნებისმიერი მთავრობისგან დამოუკიდებლად და გამოიყენებს საკუთარ Vayron კრიპტოვალუტას, იუწყება Daily Mail-ი.

გეგმა ითვალისწინებს კუნძულ-ქალაქში 300 სახლის აშენებას, ასევე სასტუმროების, რესტორნების და ოფისების მშენებლობას კუნძულ ტაიტის სიახლოვეს.

პროექტი საპილოტე პროგრამაა 50 მილიონი აშშ დოლარი ღირს და სუბსიდირებულია PayPal- ის დამფუძნებლის პიტერ ტიელის მიერ.

იგი იქმნება პოლინეზიის მთავრობასთან პარტნიორობით და აკადემიკოსების, ფილანტროპების და ინვესტორთა მოძრაობის მხარდაჭერით სარგებლობს.

ნატალი მეცა-გარსია, პოლიტოლოგი და მცურავი კუნძულის პროექტის მკვლევარი, ამბობს: ”კუნძულის მოსახლეობა გათავისუფლდება გეოპოლიტიკური რყევებისა და სავაჭრო პრობლემებისგან. ერთ დღეს ქვეყანას შეეძლება მიიღოს ლტოლვილები, რომლებიც კლიმატის ცვლილების გამო იძულებულნი არიან თავიანთი სახლები დატოვონ. ვნახავთ, თუ როგორ იმუშავებს პირველი კუნძული და დადებითი შედეგის შემთხვევაში, სხვასაც ავაშენებთ ”.

კუნძულის შექმნაში მონაწილეობენ არაკომერციული ორგანიზაციები Seasteading Institute და Blue Frontiers. ტიელის ინვესტიციურ კომპანიასთან ერთად, ისინი აფინანსებენ პროექტს საქველმოქმედო შენატანების მეშვეობით.

დაგეგმილია სახლების გადახურვა "მწვანე სახურავით", რომელზეც ბოსტნეული გაიზრდება. მშენებლობაში გამოყენებული იქნება ადგილობრივი ბამბუკი, ქოქოსის ბოჭკო და გადამუშავებული ლითონი და პლასტმასი.

ყველაფერი ერთად, წარმოადგენს დამოუკიდებელ სახელმწიფოს, რომელიც ნეიტრალურ წყლებში იტივტივებს. ის იცხოვრებს საკუთარი კანონების შესაბამისად, რათა "გაათავისუფლოს საზოგადოება პოლიტიკოსებისგან".

კუნძულის პროექტირების დროს მხედველობაში მიღებულია ისეთი ფაქტორები, როგორიცაა ტალღების მიმოქცევა, ქარი, მზის სხივები და ვარსკვლავების ადგილმდებარეობაც კი.

საფრანგეთის პოლინეზია, რომელიც 118 კუნძულისგან შედგება, ძალიან დაინტერესებულია ამ პროექტით, რადგან ოკეანეებში წყლის დონის მომატების გამო, მრავალი პოლინეზიელი უსახლკაროდ დარჩენის წინაშე დგას.