შოუბიზნესი
სრულყოფილი არავინაა: ჰოლივუდელი ლამაზმანების ყველაზე მავნე ჩვევები
2020, 21 აგვისტო, 13:59
პატარა, წვრილმანი "ცოდვები", მეტ ნაკლებად ყველა ჩვენგანს აქვს, რომლის გამოც ხშირად გვრცხვენია კიდეც. ვიღაც მაგალითად, საყვარელი ნამცხვრის დანახვისას ცდუნებას ვერ უძლებს, ზოგი კი - ფრჩხილებს ფარულად იჭამს, და ეს სრულიად ნორმალურია! გახსოვდეთ, რომ სრულყოფილი ადამიანები არ არსებობენ! გამონაკლისს რა თქმა უნდა, არც ეს ცნობილი ქალბატონები წარმოადგენენ. მაშ ასე, მოდით ერთად გავარკვიოთ რა მავნე ჩვევები აქვთ ჰოლივუდის ყველაზე წარმატებულ და გავლენიან ლამაზმანებს.
ბრიტნი სპირსი და ოლივია უაილდი
როგორც გოგონებმა აღიარეს, მათ ერთი მავნე თვისება აქვთ - ფრჩხილებს იჭამენ, რომელსაც ვერაფრით გადაეჩვივნენ!
სარა ჯესიკა პარკერი და ჰოლი ბერი
ცნობილი მსახიობები ფრჩხილებს არა, მაგრამ აი, ტუჩებს კი განუწყვეტლივ იჭამენ, ამიტომ იძულებულები არიან თან ყოველთვის ტუჩის საცხი იქონიონ.
რიანა და კაილი ჯენერი
ეს გოგონები შეიძლება ითქვას რომ ვირტუალურ რეალობაში ცხოვრობენ. გაიცანით, სოციალური ქსელების ყველაზე აქტიური და ერთგული მომხმარებლები!
ბარბარა სტრეიზანდი და მილა კუნისი
ეს ქალბატონები მცირე ულუფებს არასდროს სჯერდებიან და ყოველთვის დიდი რაოდენობით არაჯანსაღ საკვებს მიირთმევენ.
ლანა დელ რეი და ქეთრინ ჰეიგლი
გოგონებს ერთი მავნე ჩვევა აერთიანებთ - მოწევა.
კამერონ დიასი და კეტი პერი
როგორც ირკვევა, ორივე ქალბატონი ჩაციკლული სისუფთავეზეა. ერთი საზოგადოებრივ ადგილებში კალამს საერთოდ არ ეკარება, მეორე კი - კბილებს დღეში 6 - ჯერ იხეხავს.
ჯესიკა სიმპსონი და ადელი
ეს ცნობილი სელებრითები საღეჭი რეზინის გარეშე გაგიკვირდებათ და, ერთ დღესაც ვერ ძლებენ.
კირა ნაითლი და ჰელენ მირენი
ამ წარმატებული, ბრიტანელი მსახიობების მთავარ ცოდვას ის უცენზურო ლექსიკა წარმოადგენს, რასაც ისინი ყოველდღიურად იყენებენ. "გინება - ჩემი მთავარი ცოდვაა, თუმცა ამისგან დიდ სიამოვნებასაც ვიღებ"- განაცხადა ერთხელ ჰოლივუდის ვარსკვლავმა კირა ნაითლიმ.
ვიქტორია ბექჰემი და კრისტინა აგილერა
ეს ქალბატონები საყიდლებზე სიარულის გადაჭარბებული სიყვარულით იტანჯებიან.
ჯენიფერ ლოპესი და სოფია ვერგარა
და ბოლოს, ყველაზე გავრცელებული ჩვევა - მათ ყავის გარეშე სიცოცხლე უბრალოდ ვერ წარმოუდგენიათ.
