შოუბიზნესი ერთ დროს უსახლკარო ვარსკვლავები 2012, 17 აგვისტო, 18:06 მათ ძნელი და მტანჯველი გზა გამოარეს იქამდე სადაც ახლა არიან, ებრძოდნენ სიღარიბესა და უიმედობას, უფრო მეტიც ცხოვრობდნენ ღია ცის ქვეშ და არანაირი ბედნიერი მომავლის იმედი არ ჰქონდათ.წარმოგიდგენთ რამოდენიმე ცნობილ ვარსკვლავს, რომლებიც უსახლკაროდ ცხოვრობდნენ სანამ ცნობილები გახდებოდნენ. თინეიჯერულ ასაკში ჯიმ ქერი ოჯახთან ერთად ტრაილერის ვაგონში ცხოვრობდა, მოგვიანებით უფროსი დის კარავში გადავიდნენ საცხოვრებად.ჭაბუკი ჯიმი ადგილობრივი კანადური კომედი-კლუბების სცენაზე გამოსვლით ირჩენდა თავს, სანამ ის ლოს ანჯელესში არ ჩამოვიდა და არ შეამჩნიეს წარმატებულმა მენეჯერებმა. ოსკაროსანი მსახიობი ჰოლი ბერი 21 წლის ასაკში ხშირი სტუმარი იყო უპატრონოთა თავშესაფრების.მოგვიანებით გადავიდა ნიუ იორკში სადაც მისი წარმატების ვარსკვლავმა დაიწყო ამობრწყინება. ასევე ოსკაროსანი ჰილარი სუონკი დედასთან ერთად ცხოვრობდა ძველ ავტომობილში, როცა მათ ლოს ანჯელესში გადაწყვიტეს წამოსვლა, მხოლოდ 75 დოლარი ჰქონდათ რომ თავი გაეტანათ. ერთ-ერთი ყველაზე სექსუალური და მიმზიდველი ჯეიმს ბონდი, დენიელ ქრეიგი, რთული დასაჯერებელია მაგრამ ღამის გასათევად წასასვლელი რომ არ ჰქონდა, ლონდონის პარკების სკამებზე იძინებდა. ოსკაროსანი მსახიობი, წარმატებიული პროდიუსერი და სცენარისტი, სილვესტერ სტალონე იხსენებს თავისი კარიერის დასაწყისს : „ კვირეების განმავლობაში მეძინა ავტობუსების სადგურზე, სრულიად გაკოტრებული და გაუბედურებული ვიყავი, როცა შემთხვევით, სადღაც მიგდებულ გაზეთში არ წავიკითხე განცხადება ეპიზოდური როლის შესახებ, რომელშიც 100 დოლარს იხდიდნენ“. ჟან კლოდ ვან დამი კარიერის დასაწყისში, სანამ აღიარებას მოიპოვებდა ლოს ანჯელესის ქუჩებში დაეხეტებოდა და იქვე ათევდა ღამეებს. ალბათ, არც არის გასაკვირი თუ რატომ გამოსდით ამ მსახიობებს დაუნდობელი და მებრძოლი ადამიანების როლის თამაში. 875 10-ს მოსწონს
|