სულ უფრო მეტ ადამიანს სურს ლამაზ, ორიგინალურ და კომფორტულ გარემოში გაატაროს დრო, იქნება ეს სამსახური, სახლი თუ აგარაკი. სწორედ ამითაა გამოწვეული ის ფაქტი, რომ ლანდშაფტური დიზაინი ძნელად, მაგრამ მაინც მკვიდრდება საქართველოში.

ვფიქრობ, წარმოდგენილი ორიგინალური ნამუშევრები ხელს შეუწყობს ინტერესის გაღვიძებას ამ სფეროსადმი და დაანახვებს ყველა მსურველს, რა საოცრების მოხდენაა შესაძლებელი ერთი შეხედვით სრულიად ჩვეულებრივი გარემოს გარდაქმნის კუთხით.

ამ შედევრების შემხედვარეს არ უნდა დაგვავიწყდეს, რომ ნორმალური ლანდშაფტური დიზაინის ნიმუშის შექმნას საკმაო დრო ესაჭიროება. ინტერიერისა თუ სამრეწველო დიზაინისაგან განსხვავებით, ეს ერთ-ორ თვეში არ ესწრება.

ყველაფერი პროექტირებით იწყება. შემდეგ მოდის ლანდშაფტური სამუშაოები - ხელოვნური რელიეფის შექმნა, სადრენაჟო სისტემის მოწყობა, წყალსატევების, ბილიკებისა და მოედნების შექმნა, რელიეფის გამწვანება და ა.შ. და ა.შ. ამის შემდეგ უშუალოდ დიზაინი, ანუ ამ ყველაფრისათვის ჩაფიქრებული ფორმის მიცემა.


თუმცა, ყველაზე ხანგრძლივი და პრინციპში დაუსრულებელი ეტაპი სწორედ ამის შემდეგ იწყება - შექმნილი ლანდშაფტის მოვლა.

თუმცა, წვალებად რომ ნამდვილად ღირს, ამაში სურათების ნახვის შემდეგ დარწმუნდებით.