კორონავირუსის გამო შექმნილი პანდემიური სიტუაციიდან გამომდინარე საფინანსო დაწესებულებების ნაწილმა მსესხებლებს ვალდებულება 3თვით გადაუვადა. მსესხებელთა ერთ ნაწილს დამატებით 3 თვიანი გადავადება კვლავ შეეხო, მეორე ნაწილმა კი უკვე დაიწყო ვალდებულების დაფარვა. გაჩნდა კითხვები: რამდენით მეტის გადახდა მომიწევს? რატომ გაიზარდა სესხის ვადა? ბანკი ზედმეტს ხომ არ მახდევინებს? რა სქემით მოხდა გადავადება? და აშ... დღეს ამ სტატიით შევეცდები გიჩვენოთ რა სქემით ხდება სესხის გადავადება და რა დამატებითი ხარჯის გაწევა უწევთ მსესხებლებს?

ასევე გეტყვით, რომ სტატია ატარებს მხოლოდ საკონსულტაციო ხასიათს და ნებისმიერი დეტალის დაზუსტება ინდივიდუალურად უნდა მოხდეს მომსახურე ბანკთან.

თქვენ ხედავთ სესხის გრაფიკს, პირობითად ჩავთვალოთ რომ ავიღეთ 10 000 ლარიანი სესხი 12თვის ვადით წლიურ 12% ში და სესხის აღებისთანავე (ჯერ პირველი გადახდა განხორციელებული არ გვაქვს) ვისარგებლებთ საშეღავათო პერიოდით. თქვენი გრაფიკი გამოიყურება ასე:

წყარო: http://gaige.ge/

როგორც ხედავთ ყოველთვიურად გადასახდელი 888.49 ლარიდან 788.49 ლარს იხდით ძირის დასაფარად, ხოლო 100 ლარს იხდით პროცენტში. თუ თქვენ ისარგებლებთ საშეღავათო პერიოდით მომდევნო 3 თვის განმავლობაში თქვენ დაგერიცხებათ, 10 000 ლარის შესაბამისი ყოველთვიური პროცენტი (რადგან 3თვის მანძილზე ძირ თანხას არაფერია არ აკლდება) და 3 თვის განმავლობაში თქვენი სესხის გაძვირდება ჯამში 300 ლარით. შემდგომ ეს 300 ლარი გაიყოფა 12თვეზე და თქვენი ყოველთვიური შენატანი გაიზრდება 25 ლარით ან ბანკი სესხის თანხას გადანაწილებთ არა 12, არამედ 13თვეზე იმისთვის, რომ არ გაგეზარდოთ ყოველთვიური გადასახდელი თანხა და თვის განმავლობაში დაახლოებით იგივე რაოდენობის თანხა შეიტანოთ.

შესაბამისად სესხის გადავადების შემთხვევაში თქვენ ნამდვილად გეზრდებათ სესხის მომსახურებასთან დაკავშირებული ხარჯი.

ამ ხარჯის შესამცირებლად თქვენ შეგიძლიათ მიმართოთ ბანკს და სურვილის შემთხვევაში მოითხოვოთ სესხის წინსწრებით დაფარვა (მიაქციეთ ყურადღება ხეკშეკრულებას და წინსწრებით დაფარვის პირობებს ზოგიერთ შემთხვევაში ის 0% ია, თუმცა, როგორც წესი, წინსწრებით დაფარვის შემთხვევაში თქვენს მიერ შეტანილი თანხის 2%-ს იხდით.)

რაც შეეხება სხვა ტიპის სესხებს:

საკრედიტო ბარათისა და სახელფასო ოვერდრაფტის შემთხვევაში უმეტესად ასეთი პირობა ვრცელდება

• საშეღავათო პერიოდის განმავლობაში გამოტოვებთ 3 გადახდას;
• საშეღავათო პერიოდის დასრულების შემდეგ, დაგროვილი დავალიანება ბარათზე გადანაწილდება მომდევნო 3 თვის პერიოდზე და მისი დაფარვა მოითხოვება მიმდინარე თვეში დარიცხულ პროცენტთან ამ პერიოდში არ მოითხოვება მინიმალური ძირის დაფარვა.

ახლა კი შევაჯამოთ ხშირად დასმული კითხვები და პასუხები მათთვისაც, ვისაც ჯერ არ დაუწყია სესხის დაფარვა და ისარგებლა დამატებითი საშეღავათო პერიოდით:

• კორონავირუსის პანდემიის შედეგად დაზარალებულ მომხმარებლებს, რომლებიც მიიღებენ საქართველოს მთავრობის მიერ ინიცირებულ კომპენსაციას;
• მომხმარებლები, რომლებიც არიან ბანკის მიერ იდენთიფიცირებული პირები, ვისაც შუმცირდათ ან დაკარგეს შემოსავალი.

• იპოთეკური სესხები
• სამომხმარებლო სესხები
• სასწრაფო სესხი
• ავტო სესხები
• განვადება
• საკრედიტო ბარათები
• ოვერდრაფტი
• სტანდარტული გრაფიკის მქონე ბიზნეს სესხები;

• იმ მომხმარებლებს, ვინც ისარგებლებს საშეღავათო პერიოდით, ექნება შესაძლებლობა ყოველთვიური გადასახდელი თანხის ფარგლებში საკომისიოს გარეშე განახორციელოს წინსწრება.
• საშეღავათო პერიოდის დასრულების შემდეგ, წინსწრების საკომისიოზე აღდგება/გავრცელდება კონტრაქტით გათვალისწინებული პირობები;