84 წლის ასაკში გარდაიცვალა ვალენტინა გაგარინა, ლეგენდარული საბჭოთა კოსმონავტის, იური გაგარინის ქვრივი. ამის შესახებ იტყობინება რუსეთის კოსმონავტების მომზადების ცენტრი.

ЦПК- ის ცნობით, ვალენტინა ივანოვნა გარდაიცვალა სამშაბათს, 17 მარტს.

”დღეს ვალენტინა ივანოვნა გაგარინა გარდაიცვალა, ” - ციტირებს ცენტრის განცხადებას სააგენტო ТАСС-ი

გარდაცვალების მიზეზი ჯერჯერობით უცნობია.

ვალენტინა და იური გაგარინი 1957 წლის ოქტომბერში, ქალაქ ორენბურგშუ დაქორწინდნენ და მათ რამდენიმე წლის შემდეგ ორი ქალიშვილი შეეძინათ - ელენა და გალინა.

შემდეგ მოხდა მოვლენა, რომელმაც შეცვალა არა მხოლოდ ამ ოჯახის ცხოვრება, არამედ მთელი მსოფლიო ისტორიაც, 1961 წლის 12 აპრილს - საბჭოთა კოსმონავტი გახდა მსოფლიო ისტორიაში პირველი ადამიანი, რომელიც კოსმოსში გაფრინდა.

1968 წელს, მეუღლის ტრაგიკულად გარდაცვალების შემდეგ ვალენტინა გაგარინა აღარ გათხოვილა.

კოსმონავტისგან ოჯახს მემკვიდრეობით ერგო ორი ბინა - ერთი "ვარსკვლავთა ქალაქიდან", ხოლო მეორე მოსკოვში, იუგოსლავიური ავეჯით გაწყობილი და "ვოლგა"21.

ბოლო წლებში ვალენტინა გაგარინა სწორედ მოსკოვის ბინაში ცხოვრობდა.