აშშ-ში მცხოვრები იუნა შაფათავა, ნიუ-იორკში პანდემიასთან დაკავშირებულ სიტუაციას ასე აღქწერს:

"სავსეა ნიუ-იორკის მაღაზიები ყველაფრით. ვირბინე, გარეთ უამრავი ხალხი პარკში ბავშვებიანად. ერთი ორი ნიღბით დარბოდა, ნუ ყველა ისე უბერავს როგორც უნდა..

რაღაც პანიკას ვერ ვამჩნევ. ხო, ტუალეტის ქაღალდი ოხრად)))
მე კიდევ დღეს პირველად ვჭამე წესიერად, დამიბნელდა თვალებში მივხვდი დღეები წესიერად არ მიჭამია.

ვისაც სტაბილური სამსახური აქვს, შვებულებას გადაუხდიან. 3 თვემდე.
მე freelancer ვარ ასერომ მე ეს არ მეხება.

ველი ბლოკადის დასრულებას სულმოუთმენლად ))

მოსაბეზრებელია გაჩერებულ ქალაქში არაფრის კეთება და ფულზე ფიქრი როდის აღდგება ნორმალური სამუშაო რეჟიმი

კასტინგებიც გაჩერებული თითოოროლა უმნიშვნელო პროექტების გარდა.
ელოდე.

ჰაცე ვირო! იონჯას მოლოდინი ნიუ-იორკსაც სცოდნია" წერს იუნა შაფათავა.

შეერთებულ შტატებში დღეის მონაცემებით კორონავირუსით დაინფიცირების 2, 952 დადასტურებული შემთხვევაა, თუმცა სხვა მრავალი შემთხვევა შესაძლებელია გამოვლენილი არ იყოს. გარდაიცვალა 57 ადამიანი, მათ შორის ვაშინგტონში (40), კალიფორნიაში (5), ფლორიდაში (3), ნიუ – იორკში (2), ჯორჯიაში, კანზასში, ნიუ ჯერსში, კოლორადოში, ლუიზიანაში, სამხრეთი დაკოტასა და ვირჯინიაში თითო-თითო.