საზოგადოება "ტირილსა და ტირილს შორის მაინც მეფიქრება ..... "- ბაია პატარაია 15 წლის მოზარდის გარდაცვალებაზე 2019, 18 დეკემბერი, 0:35 უფლებადამცველი და არასამთავრობო ორგანიზაცია "საფარის" ხელმძღვანელი ბაია პატარაია 15 წლის მოზარდის გარდაცვალების ფაქტს სოციალურ ქსელში ეხმაურება, უფლებადამცველი არსებული ვითარებიდან გამოსავალს მხოლოდ დამოუკიდებელი გენერალური პროკურორის მოთხოვნაში ხედავს:"ტირილსა და ტირილს შორის მაინც მეფიქრება გამოსავალზე, რომელიც არ ჩანს. თუ გვინდა ძალადობრივი და მონა სისტემის მორღვევა, საიდანღაც უნდა დავიწყოთ - მოვითხოვოთ დამოუკიდებელი გენერალური პროკურორი. დავიწყოთ პროკურატურის გათავისუფლებით. დაგვანიშნინეთ პროკურორი ხალხს, შეგვარჩევინეთ კანდიდატი სამოქალაქო სექტორიდან. მოვითხოვოთ. არ მივიღებთ და ყველაფერს დაკარგავს ბიძინა!" - დაწერა ბაია პატარაიამ ფეისბუქგვერდზე. შეგახსენებთ, რომ 15 წლის ლუკა სირაძე, რომელმაც რამდენიმე დღის წინ პოლიციაში გამოკითხვის შემდეგ თვითმკვლელობა სცადა და მეცხრე სართულიდან გადმოხტა, იაშვილის კლინიკაში დღეს გარდაიცვალა.239 შეფასება არ არის |