რომელი ცხოველია ყველაზე მზრუნველი დედა?
ნაშიერებზე მრავალი ცხოველი ზრუნავს, მაგრამ ამ მხრივ ორანგუტანს ვერავინ შეედრება. იგი ნაშიერს, სულ მცირე, სამი წლის განმავლობაში კვებავს და ყოველ ღამე ჩახუტებულს სძინავს. პატარა ორანგუტანი დედასთან რჩება, სანამ 7-8 წლის არ გახდება.
დიდი ღორმუცელა
ლურჯი ვეშაპის ნაშიერი ყოველდღე 400 ლიტრამდე დედის რძეს სვამს, რაც დაახლოებით 5 აბაზანას გაავსებდა.
ბაყაყი, საუკეთესო მამა
შხამიანი მწვანე ხხემძრომი ბაყაყი. მამალი ჯერ ქვირითს დარაჯობს, შემდეგ კი გამოჩეკილი თავკომბალები გასაზრდელად უსაფრთხო გუბურაში გადაჰყავს.
რით იკვებებიან ზვიგენის ლიფსიტები?
ზოგიერთი მათგანი დანარჩენ ლიფსიტებს ჭამს. ჩვეულებრივი ქვიშის ზვიგენის ლიფსიტები დედის სხეულშივე იჩეკებიან. პირველი მათგანი დანარჩენი კვერცხებით იკვებება. და ასე იზრდება. ახალ დაბადებული ზვიგენის სიგრძე დაახლოებით 1 მეტრია.
რატომ აქვს კენგურუს ჩანთა?
კენგურუს ჩანთაში ნაშიერი უზის. რომელიც იქ უსაფრთხოდ არის. ახალდაბადებული კენგურუ ძალიან პატარაა და სუსტია. იგი დედის ჩანთაში ცხოვრობს, იქვე იკვებება რძით და იზრდება. სანამ არ მოღონიერდება და დამოუკიდებლად არსებობას შეძლებს.
ნუთუ ზღვის კუები წყალში იჩეკებიან?
ზღვის კუები წყალში ბინადრობენ, მაგრამ კვერცხებს ხმელეთზე ყრიან. დედა კუ ნაპირზე ამოხოხდება და ქვიშაში ორმოს ამოთხრის, სადაც კვერცხებს ყრის. ახალგამოჩეკილი კუები ზღვისკენ გზას თავად პოულობენ.
