საინფორმაციო პორტალი "ევროპა საქართველოსთვის" მთავარი რედაქტორი ლიკა ბასილაია-შავგულიძე სოციალურ ქსელში პოსტს აქვეყნებს, სადაც ლევან ვასაძის პასუხისმგებლობის საკითხის დაყენებას მოითხოვს. როგორც ბასილაია-შავგულიძე აცხადებს, მას აქციაზე ერთ-ერთმა ქალბატონმა მისი მეზობლის გარდაცვალების ამბავი მოუთხრო, რომელიც ვასაძის მამის "შარდოთერაპიისგან" გარდაიცვალა: "გუშინ აქციაზე ერთი ქალი ჰყვებოდა, თუ როგორ გარდაიცვალა მისი მეზობელი ვასაძის მამის "შარდოთერაპიისგან" - "არადა ვეუბნებოდი, მანანა ნუ სვამ, მოეშვი, დაიღუპები" - ჰყვებოდა შეწუხებული სახით. ჯვარკომბალამ არ უნდა აგოს პასუხი დაღუპული პაციენტების სულებზე?! " - წერს საკუთარ გვერდზე ლიკა ბასილაია - შავგულიძე.