ყველა გოგონას ბავშვობიდან მოსწონს საქორწილო კაბები, ფატები, გვირგვინები, ყავავილები და ა.შ. ალბათ თითზე ჩამოსათვლელია იმ გოგონების რიცხვი ვისაც არ უოცნებია ქორწილზე, თავის წარმოსახვებში არ წარმოუდგენია ის დღე, როდესაც ის ულამაზეს კაბას ჩაიცმევს, გრძელ და ჰაეროვან ფატას გაიკეთებს და ყვავილებით ხელში დაელოდება იმ წუთს, რომლის შემდეგაც ის და მისი რჩეული კანონისა და უფლის წინაშე სამუდამოდ შეერთდებიან, აღარ იქნებიან ერთმანეთის „მეორე ნახევრები“ და ცხოვრებას განაგრძობენ, როგორც ერთი მთლიანობა.

პატარძლის იმიჯი გამომდინარეობს ძალიან ბევრი, პატარ-პატარა ნაწილებისაგან, რომელთაგან თითოეულს აქვს საკუთარი როლი: კაბა, ვარცხნილობა, მაკიაჟი, ხელ-თათმანი, ფეხსაცმელი, „კლატჩი“, თაიგული და რათქმაუნდა, ერთ-ერთი მნიშვნელოვანი ნაწილი -
ფატა.

დღეს პატარძლები რატომღაც იგნორირებას უკეთებენ ამ ნაწილს
და მის მაგივრად იკეთებენ ექსტრავაგანტულ ვარცხნილობებს, იკერავენ ლამაზ ქუდებს, ირჩევენ ბრჭყვიალა გვირგვინებს. თუმცა 2013 წელს, ზოგიერთმა დიზაინერმა მაინც ფატას მიანიჭა უპირატესობა.

გთავაზობთ რამდენიმე სურათს, სადაც იხილავთ 2013 წელს აქტუალურ „თავის სამკაულებს“.