ლეიბორისტების ლიდერი შალვა ნათელაშვილი “წითელჟილეტიანების” აქციას აანონსებს. მისი თქმით, საპროტესტო გამოსვლა 11 აპრილს სოლოლაკში, ბიძინა ივანიშვილის სახლთან გაიმართება.

გადავიცვათ წითელი ჟილეტები, ეს ზამთარი ივანიშვილისთვის უნდა იყოს უკანასკნელი - აცხადებს ნათელაშვილი

ნათელაშვილი დღეს, პარლამენტთან მიმდინარე აქციაზე, ტაქსის მძღოლების გამოსვლაზე მივიდა და სიტყვით გამოვიდა. მისი თქმით ხელისუფლებისგან უკმაყოფილო ადამიანები ივანიშვილის სახლთან ყველა მისასვლელს გადაკეტავენ, და მას სახალხო ტყვეობაში მოაქცევენ.

შეგახსენებთ, აქციის მონაწილეები ტაქსის მძღოლებისთვის შემუშავებულ ახალ რეგულაციებს აპროტესტებენ.