უცნაური სტუმარი დასახლდა ქალაქ ნაბერეჟნიე -ჩელნის პოლიციის განყოფილებაში (თათრეთის რესპუბლიკა, რუსეთი), მტაცებელი ცხოველი მას შემდეგ აღმოჩნდა პოლიციის განყოფილებაში, როდესაც სპეცოპერაციის შემდეგ სამართალდამცავებმა დააკავეს ნარკომოვაჭრეების ბანდა, რაოდენ დიდი იყო პოლიციელების გაოცება, როდესაც 5 კილოგრამ ნარკოტიკთან ერთად მათ პატარა ვეფხვის ბოკვერიც აღმოაჩინეს.

როგორც თათრეთის შსს-ში განაცხადეს, ვეფხვის ბოკვერი სულ ორი თვისაა და ჯერჯერობით მას თავშესაფარი ვერ გამოუძებნეს, ამასთანავე იგი წარმოადგენს ნივთმტკიცებას, უწყებაში ეს საკითხი ალბათ მალე გადაწყდება, მანამდე კი პატარა ბოკვერი პოლიციის განყოფილებაში ცხოვრობს და გამომძიებელთა კაბინეტიდან კაბინეტში დასეირნობს.