დაავადებათა კონტროლის ეროვნული ცენტრის თავმჯდომარე პაატა იმნაძე სოციალურ ქსელში შემდეგი შინაარსის პოსტს აქვეყნებს:

"გრიპი გადაივლის დათბობასთან ერთად, მომავალ ზამთრამდე ყველა დაივიწყებს. წითელასაც ეშველება, კარგად მიდის აცრები. მაგრამ, ფსიქიკური მდგომარეობა, როგორც საზოგადოებრივი ჯანმრთელობის შემადგენელი, მაწუხებს ძალიან. ბანაობას კრძალავენო, ვაქცინებით კლავენო, ლაბორატორიაში ანალიზებს კი არ აკეთებენ, ვირუსებს უშვებენო? რა გვეშველება?"-წერს სოციალურ ქსელში პაატა იმნაძე.

შეგახსენებთ, რომ სოციალურ ქსელში ე. წ. ფეიკ-გვერდებიდან ხშირად ვრცელდება ყალბი ინფორმაციები, რომ თითქოს ჯანდაცვის მინისტრმა დავით სერგეენკომ მთელი ზამთრის განმავლობაში ბანაობა აუკრძალა ხალხს, რომ "არ გაცივდნენ" ან ვთქვათ ის, რომ ბანანში ნემსით ვირუსია შეშვებული და ა.შ, რაც საზოგადოების ნაწილს სჯერა.