ტელეწამყვან ლევან ჩხაიძეს დღეს საბურთალოს სასაფლაოზე დაკრძალავენ. გარდაცვლილის ცხედარი რამდენიმე წუთის წინ წყნეთიდან ქაშვეთის ტაძარში მიასვენეს.

ეკლესიასთან დილიდან იკრიბებიან ლევანის ახლობლები, კოლეგები, მეგობრები და რიგითი მოქალაქეები.

„TV პირველის“ ჟურნალისტი უცხოეთში 21 იანვარს მოულოდნელად გარდაიცვალა, სადაც მეგობრებთან ერთად დასასვენებლად იმყოფებოდა. წინასწარი ცნობით, 33 წლის ასაკში ჟურნალისტის გარდაცვალების გამომწვევ მიზეზად თრომბი სახელდება.