საზოგადოება
"ნახევარი საათის წინ, რესტორან " სტრადაში" მეზობელ მაგიდაზე მსხდომ ახალგაზრდებს ცეცხლი გაუხსნეს!! ესაა "თავისუფლად სუნთქვის" მეშვიდე წლისთავი!! - ნიკა რურუა
2018, 26 ნოემბერი, 20:54
ნიკა რურუა სოციალურ ქსელში წერს:
აი, ახლა, სულ ნახევარი საათის წინ, რესტორან "სტრადაში" ყავის სმისას "გაგებით მოსაკიდებელ" კიდევ ერთ შემთხვევას შევესწარით-იმავე ვერანდაზე, მეზობელ მაგიდაზე მსხდომ ახალგაზრდებს ვიღაცამ(ან ვიღაცეებმა) იქვე მდებარე პარკინგის ტერიტორიიდან იარაღიდან ცეცხლი გაუხსნეს-შუა ქალაქში დღისით, მზისით.
როგორც მინიმუმ, ერთი ახალგაზრდა დაიჭრა. უამრავ ხალხში, ვისითაც სავსე იყო ვერანდა, საბედნიეროდ ყველა დანარჩენი სასწაულებრივად გადარჩა ამ კანონადას-6 თუ 7 გასროლას.
ესაა "თავისუფლად სუნთქვის" მეშვიდე წლისთავი და კოშმარადქცეული "ოცნების" ქაოსი უნდა დამთავრდეს! 
