11 წელი გავიდა, 2007 წლის 7 ნოემბერს ოპოზიციური პარტიების მიერ ორგანიზებული მასშტაბური საპროტესტო აქციის დარბევიდან. მშვიდობიანი აქცია პოლიციამ ხელკეტების, რეზინის ტყვიების და წყლის ჭავლის გამოყენებით დაარბია. მოგვიანებით პოლიცია ტელეკომპანია „იმედის“ ოფისშიც შევიდა. ქვეყანაში უმძიმესი კრიზისული სიტუაცია იყო, შექმნილ საგანგებო მდგომარეობას ვადამდელი საპრეზიდენტო არჩევნების დანიშვნა მოჰყვა.

2007 წლის 7 ნოემბერი იყო შიშის, უსამართლობის, ძალადობისა და იმედგაცრუების დღე, როდესაც ყველა თავისუფლების მოყვარულ ადამიანს ერთი ტკივილი აერთიანებდა, არავის არ სჯეროდა მზიანი დღის, რადგან მზე ძალადობამ შთანთქა.