დედოფლისწყაროს სოფელ ოზაანში ნაციონალური მოძრაობის კანდიდატმა, გრიგოლ ვაშაძემ გაიმარჯვა. დათვლილი ბოლო მონაცემებით, ის სალომე ზურაბიშვილს 7 ხმით უსწრებს.

სოფელ ოზაანის #5-ე უბანზე სულ 890 ამომრჩეველი იყო რეგისტრირებული, მათგან საპრეზიდენტო არჩევნებზე ხმის უფლება განახორციელა 491-მა ამომრჩეველმა. გრიგოლ ვაშაძემ ჯამში 194 ხმა მიიღო, სალომე ზურაბიშვილმა - 187, ხოლო დავით ბაქრაძემ - 48.

დედოფლისწყაროს საოლქო-საარჩევნო კომისიამ უკვე დაასრულა ყველა უბნის დათვლა. ყველა უბნის ოქმი უკვე გადაგზავნილია ცესკო-ში და განთავსებულია ვებ-გვერდზე. 22 უბანზე სალომე ზურაბიშვილი ლიდერობს.

მთლიანად დედოფლისწყაროს მუნიციპალიტეტში 23-ვე უბანზე ასეთი მონაცემებია:

სალომე ზურაბიშვილი - 5 686 ხმა - 52, 89%

გრიგოლ ვაშაძე - 2 833 ხმა - 26, 35%

დავით ბაქრაძე - 1 212 ხმა - 11, 27%

შალვა ნათელაშვლი - 485 ხმა - 4, 51%

დავით უსუფაშვილი -179 ხმა - 1, 66%

კახა კუკავა - 81 ხმა - 0, 75%

ზურაბ ჯაფარიძე - 69 ხმა - 0, 64%

გიორგი ანდრიაძე - 35 ხმა - 0, 33%

.

ხოლო სიღნაღის ოლქში 35 უბნიდან 12 უბანში გრიგოლ ვაშაძე იმარჯვებს, 23-ში - სალომე ზურაბიშვილი.

.