’’ყველას შურს დღევანდელი საქართველოს მდგომარეობის...ჩემი სიცრუე ჯერ არავის არ უნახავს...’’...

საქართველო

''ყველას შურს დღევანდელი საქართველოს მდგომარეობის...ჩემი სიცრუე ჯერ არავის არ უნახავს...'' - ბიძინა ივანიშვილის 6 ყველაზე გახმაურებული და დამამახსოვრებელი ციტატა შეხვედრიდან

2018, 24 ოქტომბერი, 8:20

1) ''ყველას შურს დღევანდელი საქართველოს მდგომარეობის, უცხოელ პოლიტიკოსებს. ყველა ნახევრად ხუმრობით, ნახევრად შექებით და ნახევრად შურით ამბობს "როგორ ახერხებთ". უაღესად ახლოს ვართ ფასეულობებით ევროპის განვითარებულ სახელმწიფოებთან. ჩვენ უნდა მოვახერხოთ, რომ დავალაგოთ ჩვენს დიდ მეზობელთან ურთიერთობა - არა ტერიტორიების სანაცვლოდ''

2) ''ჩემი სიცრუე ჯერ არავის არ უნახავს, თქვენ საბუთი არ გაქვთ და მხოლოდ სიცრუეს აფრქვევთ''(ასე მიმართა ბიძინა ივანიშვილმა ინტერვიუს დროს რუსთავი 2-ის ჟურნალისტს, ეკა კვესიტაძეს)

3) ''ნეგატივი საიდანაც მოდის მე მიგანიშნეთ უკვე. სთხოვეთ თქვენს კოლეგას, მაცადოს პასუხი გაგცეთ. დღეს რომ გამორთოთ რუსთავი 2 ქვეყანაში აღმავლობის და აღმშენებლობის მეტს ვერაფერს ნახავთ, ის რაც მოდის რუსთავი 2-დან არის სიცრუე“

4) „ის რომ პრობლემები შეიძლება იყოს მთავრობაში და ხელისუფლების სხვა შტოებში ესაა ნორმალური ყველა ქვეყანაში, შეიძლება იყოს გადაცდომები და კორუფცია და ამას უნდა არგუმენტები და საბუთები. ის, რომ ჩვენს ხელისუფლებაში პასუხი მოეთხოვება ყველას, ამის მაგალითია მირზა სუბელიანი რომ არის დაპატიმრებული“

5) ''მე დღეს აბსოლუტურად ნორმალურად ვცხოვრობ, ვარ პარტიის თავმჯდომარე, ეს თანამდებობაა და როცა არაფორმალურობაზე საუბრობთ, ცოტა უხერხულია, რადგან პარტიას პარლამენტში უმრავლესობა ჰყავს, მთავრობა პარლამენტმა დაამტკიცა, ადგილობრივ თვითმმართველობაში თითქმის ყველა რეგიონში უმრავლესობა ჰყავს, შესაბამისად, პარტიის როლი ძალიან დიდია და რომელ არაფორმალურობაზეა საუბარი?“

6) „2008 წელს რაც მოხდა და როგორც მოქმედებდა მთავრობა, ეს იყო ღალატი, სააკაშვილს შეეძლო თავიდან აეცილებინა ეს ომი. სააკაშვილს შეეძლო ეს ომი ქვეყნისთვის თავიდან აეცილებინა და არ მიეცა რუსეთისთვის სანუკვარი ოცნების ახდენის შესაძლებლობა.

2008 წელს მოხდა გამოუსწორებელი შეცდომა, საქართველოს ტერიტორიების 20% ოკუპირებულია. სააკშვილი შემოუძღვა რუსულ ჯარს საქართველოში“