ხეებს დედამიწის «ფილტვებს» ეძახიან და პლანეტაზე უამრავი სახეობის ხე არსებობს: ძლიერი, ლამაზი, უჩვეულოდ მაღალი, დრეკადი, განსხვავებული ფორმის და სხვა, რომელთა დანახვაც თვალს უხარია. როდესაც ფანჯრიდან ვიყურებით, ქალაქის ტყე-პარკებში ან ბოტანიკურ ბაღში ვიმყოფებით, მათ სურნელსაც შევიგრძნობთ. ხოლო ხეხილის გარეშე ხომ წარმოუდგენელია ჩვენი ცხოვრება? მაგრამ, მიუხედავად იმისა, რომ მსოფლიოს წამყვან ქვეყნებში გამუდმებით ზრუნავენ გამწვანებაზე და ბუნების დაცვის სპეციალური პროგრამებიც არსებობს, პლანეტის მასშტაბით, უფრო მეტი ხე იჭრება, ვიდრე ირგვება.

თუმცა, არის ისეთი ხეებიც, რომლებმაც ცივილიზაციასთან ბრძოლში, გამარჯვება მოიპოვეს და დღეს იმ ადამიანებს ახარებენ ყოველდღიურად, ვინც ამ ბრძოლის დროს დაეხმარა და გვერდში დაუდგა.