აქ მოყვანილი მონაცემები ეკუთვნის გაერთიანებული ერების ორგანიზაციას, CIA World Factbook, ჯანდაცვის საერთაშორისო ორგანიზაციას, მსოფლიო ბანკს, მსოფლიო რესურსების ინსტიტუტს, იუნესკო, გაეროს ბავშვთა ფონდს და ევროპის ეკონომიკური თანამშრომლობის და განვითარების ორგანიზაციას.

მონაცემები დააჯამა და გამოაქვეყნა NationMaster-ის გამომცემლობამ.

გამოქვეყნებული ინფორმაციის მიხედვით, კარაკასში (ვენესუელა), ყოველ შაბათ-კვირას, დაახლოებით 50 ადამიანს კლავენ. მსგავსი მონაცემები, სხვა ქვეყნებში არ მოიპოვება, რადგან 10 მკვლელობიდან, 9 გამოუძიებელი რჩება. მათზე სამართალწარმოება არ მიმდინარეობს და არც სარეგისტრაციო საბუთები ფორმდება.

ფინეთი დამნაშავეთა რაოდენობის მიხედვით ბოლოს წინა ადგილზე დგას, მაგრამ ძარცვის რაოდენობის მიხედვით, ის მსოფლიოს კრიმინალური სტატისტიკის I ოცეულში შედის, ხოლო ძალადობის მაჩვენებლების მიხედვით, ყოველ 1000 კაცზე გაანგარიშებით, VI ადგილზე დგას.

ყველაზე დიდი რაოდენობით სასამართლოები, მოსახლეობის რაოდენობასთან თანაფარდობით, აშშ-ში, რუსეთში და ჩინეთში არის. მაგრამ ჩინეთში დამნაშავეთა რაოდენობა უფრო ნაკლებია (100 000 კაცზე - 150), ვიდრე აშშ-ში და რუსეთში (100 000 -700 და მეტი). ამიტომ, ჩინეთი ბევრად უფრო უსაფრთხოა, ვიდრე ამერიკა და რუსეთი. მაგრამ, აქვე უნდა აღინიშნოს, რომ სიკვდილით დასჯის მიხედვით, ჩინეთი I ადგილზე დგას მსოფლიოში. ასეთი განაჩენების 2/3, სწორედ ჩინეთზე მოდის.

და სხვა საინტერესო სტატისტიკური მონაცემები:

აშშ-ში, პროცენტულად, ყველაზე მეტი ადამიანი არის ციხეში ნამყოფი, ვიდრე მსოფლიოს ნებისმიერ სხვა ქვეყანაში.

მსოფლიოში, ადამიანების გატაცების 2/3 კოლუმბიაზე მოდის.

მალდივის კუნძულებზე, ყოველ ათას მოსახლეზე, ორი ციხე მოდის.

ბრიტანეთის კუნძულ მონსერატზე (მცირე ანტილიის კუნძულები), მოსახლეობის 1% პოლიციის ოფიცრია.

ყოველი მესამე ავსტრალიელი, ერთხელ მაინც ყოფილა დამნაშავის მსხვერპლი.

ინდოეთში, ყოველწლიურად 1 მილიონი ადამიანი ხვდება განსასჯელის სკამზე.

ციხეში მყოფი მსჯავრდებულების 10%-ზე მეტი ქალია, მსოფლიოს 5 ქვეყანაში არის. ეს ქვეყნებია: ტაილანდი, კატარი, პარაგვაი, კოსტა-რიკაა და სინგაპური.