ჭარბი წონის თემა დღეს ძალიან აქტუალურია, განსაკუთრებით კი ზაფხულს არ უხდება ეს. მრავალგავრი ძალისხმევის ხარჯზე ვცდილობთ სულ ცოტაოდენი კალორიების დაწვას: ტკბილეულის, ცომეულისა და ცხიმიანი კერძების რაციონიდან ამოღებით, საღამოს 6 საათის შემდეგ კვების აკრძალვით და ა.შ. მე კი შემოგთავაზებთ სულ სხვაგვარად როგორ მიუდგეთ ამ პრობლემას ისე, რომ არ დაგჭირდეთ საკვების შემცირება, უბრალოდ გაზარდეთ სასმელი წყლის რაოდენობა.

წყლის დიეტას უამრავი დადებითი მხარე აქვს, რა თქმა უნდა მხოლოდ სუფთა წყალს, დაივიწყეთ ონკანის წყალი, რადგან მისი სისუფთავის გარანტია არ არსებობს, ამიტომ შეიძინეთ გამფილტრავი მოწყობილობა ან წყალი დაბეჭდილი ბოთლებით.

რაც შეეხება დალევის დროს: პირველად უნდა დალიოთ დილით, უზმოზე, საუზმობამდე 20-30 წუთით ადრე; ასევე ყოველი კვების წინ 30 წუთით ადრე ან 1-1, 5 საათის შემდეგ კვებიდან; ბოლო დალევა კი დაძინებამდე 30 წუთით ადრე.

ყოველი დალევისას წყლის რაოდენობა დამოკიდებულია თქვენს წონაზე: გაამრავლეთ ის 40-ზე და მიიღებთ დღეღამურ ნორმას. მაგ: თუ იწონით 80 კგ-ს, თქვენი დღეღამური ნორმა იქნება 3200 მილილიტრი, ანუ 3, 2 ლიტრი წყალი. თუ არ ხართ ამდენი წყლის დალევას მიჩვეული, დაიწყეთ მცირე რაოდენობით და მალევე მიდით აუცილებლად ნორმამდე. მაცივრის წყალი გამორიცხეთ, დიეტის შემთხვევაში უმჯობესია ოთახის ტემპერატურის წყლის დალევა. არ არის მიზანშეწონილი ერთ ჯერზე 1-1, 5 ჩაის ჭიქაზე მეტი წყლის დალევა, თორემ შესაძლოა კუჭი გაგეწელოთ.

თუ წყალს საჭმელს შეატანთ, ამით დიეტის უნივერსალურობა დაირღვევა, ვინაიდან შენელდება საჭმლის გადამუშავების პროცესი, რაც ცხიმების დაგროვებას უწყობს ხელს. გარდა ამისა, აუცილებლად უნდა დალიოთ წყალი, როცა შიმშილს იგრძნობთ, რადგან შესაძლოა სინამდვილეში კი არ გშიოდეთ, არამედ გწყუროდეთ. თუ დალევიდან ნახევარი საათის შემდეგ ისევ იგრძნობთ წყურვილს, შეგიძლიათ რაიმე მიირთვათ.

დიეტოლოგების რჩევით, წყლის დიეტის ხანგრძლივობა არ უნდა აღემატებოდეს 2-3 კვირას, თუმცა მერე 1 თვე უნდა შეისვენოთ. შესვენების პერიოდშიც არ დაივიწყოთ უზმოზე 1 ჭიქა წყლის დალევა. ეს სასარგებლო ჩვევა დაგეხმარებათ შეინარჩუნოთ ფორმა და ჯანმრთელობა. და კიდევ, შეზღუდეთ წყლის მიღება საღამოს საათებში, განსაკუთრებით კი ძილის წინ, თორემ დილით სახე და კიდურები შეშუპებული გექნებათ.

გისურვებთ წარმატებას.