ბევრმა თქვენგანმა ალბათ

უკვე დაისვენა ზღვაზე, მაგრამ დარჩებოდა ნაკადი, რომელიც ე.წ. "ბარხატნი სეზონს" ელოდება. თუმცაღა არც სიცხით მოუკვლია თავი ამინდებს მაინც და მაინ, ამიტომ ვიმედოვნებ, რომ ბევრი თქვენგანი ემზადება ზღვაზე წასასვლელად და გამოადგება ჩემი სტატია.

მინდა შემოგთავაზოთ რჩევები მათ, ვინც ჯერ არ გარუჯულა და აპირებს, ან თუნდაც სამომავლოდ გაითვალისწინებს.

რა უნდა ვიცოდეთ თუ მოვიმოქმედოთ იმისათვის, რომ ჩვენთვის ასე საყვარელ ოქროსფერ-შოკოლადისფერ რუჯზეც არ მოგვიწიოს უარის თქმა და მის სავალალო შედეგებზეც არ ვიდარდოთ:

უპირველესად უნდა გავხსოვდეს, რომ რუჯი და ხარისხიანი მზისგან დამცავი საშუალებები განუყოფელი ცნებებია- თუ ჯერ არ არის, მაშინ ეხლა უნდა აქციოთ. ბრმად ნუ მიენდობით უცნობ ბრენდებს და შეეცადეთ არჩევანი გამოცდილ და ხარისხიან პროდუქციაზე გააკეთოთ. რეალურად, თქვენ ფართო სპექტრის მზისგან დამცავი საშულაება გჭირდებათ, რომელიც A და B ულტრაიისფერ სხივებს ბლოკავს (UVA, UVB). პროდუქტში შემავალი იგრედიენტების გაცნობისას ყურადღება მიაქციეთ, რომ ის Mexoryl, Helioplex ან Zinc oxide-ს შეიცავდეს.

დერმატოლოგები გვაფრთხილებენ, რომ სხეული საკმარისი რაოდენობის საცხით უნდა იყოს დაფარული და ეს ყველაფერი გასარუჯად გასვლამდე 20 წუთით ადრე უნდა გავაკეთოთ -ასე პროდუქტი კარგად შეიწოვება კანის მიერ. მზეზე ყოფნისას კი დამცავი კრემი ყოველ 2 საათში ერთხელ უნდა გადავისვათ, წყალში ჩასვლის შემდეგ კი დაუყოვნებლივ.

ის ფაქტი, რომ მზის სხივებისგან თავის კანი ზიანდება, ძალიან ხშირად უგულებელყოფილია. ზოგს მიაჩნია, რომ რაკი სქელი თმები აქვს, დაცვის გარანტიაა. ცდებით, ამიტომ კარგი იქნება თუ მზეზე გასვლისას თავზე ქუდს, კეპს ან სხვა რაიმე თავსაბურავს დაიხურავთ.

არ დაგავიწყდეთ, რომ ტუჩებსაც სათანადო დაცვა სჭირდება მზეში და რომ ეს ნაწილი, დანარჩენ სხეულთან შედარებით არანაკლებ ზიანდება. ამიტომაც არ დაიზაროთ და აუცილებლად შეიძინეთ ტუჩის სპეციალური, მზისგან დამცავი ბალზამი, რომელსაც სულ მცირე 20 SPF ექნება.

და ბოლოს, არ დაგავიწყდეთ ოქროს წესი და დღის განმავლობაში მიიღეთ სულ ცოტა 1, 5 ლიტრი წყალი. ორგანიზმის გაუწყლოვანება, რომელიც ძალიან ნელ-ნელა და შეუმჩნევლად შემოგვეპარება ხოლმე, ყველაფერთან ერთად. წყლის დასალევად წყურვილის გრძნობას ნუ დაელოდებით, მნიშვნელოვანაია, რომ წყლის დალევა ჩვევად აქციოთ. დალიეთ ყოველ დღე მინერალური წყალი, ის აღადგენს წყლის ბალანსს თქვენს ორგანიზმში და შეგიწყობთ ხელს სიამოვნებით მიეფიცხოთ ზაფხულის ცხელ მზეს.

გისურვებთ წარმატებულ და სასიამოვნო დასვენებას.