მელ გიბსონის 14, 5 მილიონი დოლარის ღირებულების სახლი, სადაც ის თითქმის 15 წელი ცხოვრობდა, მთლიანად გაანადგურა პაციფიკ პალისეიდში გაჩენილმა ხანძარმა.

"როდესაც ვსაუბრობდი, თავს ცუდად ვგრძნობდი, რადგან ვიცოდი, რომ ჩემს სამეზობლოში ხანძარი იყო. ამიტომ ვიფიქრე: „მაინტერესებს ჩემი სამოსახლო ისევ იქ არის თუ არა“. სახლში რომ მივედი, რა თქმა უნდა აღარ არსებობდა... მანქანები გაქრნენ, ყველაფერი მთლიანად გადახრუკული იყო. ასეთი სრული წვა არასდროს მინახავს. თითქოს ვიღაცამ ეს განზრახ გააკეთა, რომ ნამდვილად განადგურდეს აქაურობა ყველა ასპექტში. ”

ქონების განადგურებას ასე გამოეხმაურა მსახიობი: ”ეს უბრალოდ ასეთი ამბავია, მაგრამ აშკარად დამღუპველი და ემოციური. ჩვენ იქ დიდხანს ვცხოვრობდით“. მან აღნიშნა, რომ, სახლი სავსე იყო პირადი ნივთებით, რომლებიც მას უყვარდა და ვეღარ შეცვლის, მათ შორის ფოტოები, ფაილები, ტანსაცმელი და წლების განმავლობაში შეგროვებული სენტიმენტალური ნივთები. დანაკარგის მიუხედავად, გიბსონი კვლავ პოზიტიურად არის განწყობილი .მან ხაზგასმით აღნიშნა, რომ ქონების ჩანაცვლება შესაძლებელია, მთავარია რომ მისი ახლობლები უსაფრთხოდ იყვნენ.

69 წლის მსახიობმა მან ამ ამბავზე გაიხუმრა კიდეც: " გავნთავისუფლდი გადატვირთული ნივთებისგან, რადგან ეს ყველაფერი ნაცრად არის ქცეული და იუმორით დაამატა: " ყოველ შემთხვევაში, მე აღარ მექნება სანტექნიკასთან დაკავშირებული შემაწუხებელი პრობლემები"

ამას ერთი დადებითი მხარეც ჰქონდა - მისი ქათმები ხანძარს გადაურჩნენ. ”ეს იყო საოცარი. ჩვენ შევამოწმეთ საქათმე და ისინი კარგად იყვნენ. „მათ ხორბალი და წყალი მივეცით და ახლა ბედნიერები არიან და კვერცხებსაც დებენ“, - თქვა მან სიცილით და დაამატა: „საბედნიეროდ, ისინი არ გადაიქცნენ შემწვარ წიწილებად“.

სანტა ანას ძლიერი ქარიშხლის დროს გაჩენილმა ხანძარმა ლოს-ანჯელესში 21000 ჰექტარზე მეტი გაანადგურა და მხოლოდ ნაწილობრივ იქნა ლოკალიზებული. ეს არის ერთ-ერთი იმ რამდენიმე ხანძარს შორის, რომელიც ამჟამად მძვინვარებს ამ რაიონში.