ყოველწლიურად ბრიტანელი პლასტიკური ქირურგი ჯულიან დე სილვა აქვეყნებს პლანეტის ყველაზე ლამაზი ვარსკვლავების სიას. ცალ-ცალკე ქალების და კაცების. რეიტინგის შესადგენად ოქროს კვეთის ფორმულას იყენებს და პროცენტებში უთითებს სახის ძირითადი მახასიათებლის სიახლოვეს ფორმულის იდეალთან.

ქირურგმა დე სილვამ ქალების რეიტინგი ჯერ კიდევ ზაფხულში გამოაქვეყნა (სია შეგიძლიათ იხილოთ აქ), ახლა მამაკაცების ჯერია. ამჯერად ათეულში ბევრი ბრიტანელი მოხვდა.

მე-10 ადგილი - შაჰრუხ ხანი

ოქროს კვეთის ფორმულის მიხედვით, ინდოელი კინომსახიობი განსაკუთრებით ნიკაპით გამოირჩევა.

მე-9 ადგილი - იდრის ელბა

52 წლის ბრიტანელი მსახიობი ასევე გამოირჩევა იდეალური ნიკაპით, მაგრამ თვალების პოზიციის გამო უკეთესი მაჩვენებელი აქვს.

მე-8 ადგილი - ჩარლზ მელტონი

33 წლის ამერიკელი მსახიობი და მისი 95, 1%-ით იდეალური ყვრიმალები.

მე-7 ადგილი - ნიკოლას ჰოლტი

აი, ვის აქვს შვიდი მეათედით იდეალური ყვრიმალები! 34 წლის ბრიტანელი მსახიობი იდეალურთან ახლოსაა სახის სიგრძე-სიგანის შეფარდებითაც.

მე-6 ადგილი - ჯორჯ კლუნი

63 წლის მსახიობმა ყველაზე მეტი პროცენტი დააგროვა თავისი ყვრიმალებით და ცხვირით.

მე-5 ადგილი - ჯეკ ლაუდენი

34 წლის შოტლანდიელ მსახიობს თითქმის იდეალური ყვრიმალები და თვალების პოზიცია აქვს.

მე-4 ადგილი - რობერტ პატინსონი

38 წლის ბრიტანელი მსახიობი, რომელიც მსგავს ტოპებში პირველ ადგილს ხშირად იკავებს, ყვრიმალების, ცხვირის, ნიკაპის და თვალების პოზიციით განსაკუთრებით კარგია. თითქმის ყველა პარამეტრით. მხოლოდ ტუჩებმა უმტყუნა.

მე-3 ადგილი - პოლ მესკალი

28 წლის ირლანდიელი მსახიობი, ყველაზე უმცროსი ათეულში, გამოირჩევა თითქმის იდეალური ნიკაპით. სხვა პარამეტრების მაჩვენებელი 90%-ს სცილდება, ისევ ტუჩების გარდა.

მე-2 ადგილი - ლუსიენ ლავისკონტი

აი, ვის აქვს საუკეთესო ტუჩები. 32 წლის ბრიტანელ მსახიობს ასევე აქვს საუკეთესო სახის სიგრძე / სიგანის შეფარდება.

1-ელი ადგილი - აარონ ტეილორ-ჯონსონი

2024 წლის ყველაზე სიმპათიური მამაკაცი გახდა 34 წლის ბრიტანელი მსახიობი თითქმის სრულყოფილი ცხვირით, შუბლით, ნიკაპით და ყვრიმალებით. როგორც ბევრმა, აარონმა ვერ მიაღწია 90%-ს ტუჩების პარამეტრში. თუმცა მაინც შეძლო პირველი ადგილის დაკავება.

ასევე დაგაინტერესებთ:

პლასტიკურმა ქირურგმა დაასახელა 2024 წლის 10 ყველაზე ლამაზი ქალი მეცნიერების მიხედვით

13 მსახიობი, რომლებიც ერთ დროს არამარტო სილამაზით ბრწყინავდნენ

როგორ შეიცვალნენ მსახიობები საკულტო ფილმებიდან, რომელთა გამოსვლიდან 25 წელი გავიდა

წარმოვიდგინეთ, როგორები იქნებოდნენ ცნობილი ქალები, ასაკის მატებასთან ერთად გრძელი თმა რომ შეეჭრათ

15+ ვარსკვლავი კამერისკენ პროფილით შემოტრიალდა და ხალხი შოკში ჩააგდო