ვაშლის ძმარი, ანტიბაქტერიული ეფექტის მქონე, უძველესი ხალხური საშუალებაა, რომელსაც ვაშლის გემო და არომატი აქვს. მას, როგორც კულინარიაში, ასევე მედიცინაში, დღესაც იყენებენ.

ვაშლის ძმარი შეიცავს შემდეგ მიკროელემენტებს, მინერალებს და ვიტამინებს: ნატრიუმს, კალციუმს, მაგნიუმს, ფოსფორს, B ვიტამინის კომპლექსს და C, E, A ვიტამინებს. მაგრამ, ყველაზე მეტი ვაშლის ძმარში კალიუმია.

ის ძალიან სასარგებლოა ჩვენი ჯანმრთელობისთვის. მაგრამ, მისი ფუნქცია მხოლოდ ამით არ შემოიფარგლება. ვაშლის ძმარი, ყველაფერთან ერთად, იდეალური გამწმენდი საშუალებაა და არა მარტო... ამიტომ, გასაკვირი არ არის, რომ ამ პროდუქტმა, უკანასკნელი წლების მანძილზე, განსაკუთრებული პოპულარობა მოიპოვა.

თუ ბუზები თქვენი სახლის ხშირი სტუმრები არიან, მათი თავიდან მოცილება, ვაშლის ძმრით, სულ მარტივად შეიძლება: ჩაასხით ძმარი ჭიქაში, გადააკარით პოლიეთილენის აპკი, გახვრიტეთ ის რამდენიმე ადგილას, ისე, რომ ბუზი გაეტიოს. დადგით ჭიქა მაგიდაზე. ბუზი შიგნით ჩაფრინდება, მაგრამ გამოსვლას ვეღარ შეძლებს.

თანაბარი რაოდენობით შეურიეთ ერთმანეთს ვაშლის ძმარი და გამოხდილი წყალი, ჩაასხით სპრეის ბოთლში, მიასხურეთ მინის ზედაპირს და გაწმინდეთ მიკროფიბერის რბილი ქსოვილით.

ვაშლის ძარით დაჭმუჭნილი ტანსაცმლის დაუთავება, უთოს გარეშე შეიძლება: შეურიეთ 1 წილი ვაშლის ძმარი, 3 წილ წყალს და სპრეის ბოთლის გამოყენებით, მიასხურეთ ქსოვილს, პრობლემურ ადგილებზე. ჩამოკიდეთ სამოსი გასაშრობად რამდენიმე წუთი.

ხან ისეც ხდება, რომ ნაგვის გადაყრის და ურნის გარეცხვის შემდეგაც კი, მასში სუნი მაინც რჩება. ამ პრობლემის მოგვარებაშიც ვაშლის ძმარი დაგეხმარებათ: დაასველეთ ღრუბელი ვაშლის ძმარში და მოათავსეთ ქაღალდის პირსახოცზე, ცარიელ ურნაში, დაახურეთ თავსახური და გააჩერეთ ასე ღამის მანძილზე. დილისთვის სუნი გაქრება.

თუ აბაზანაში მილი გაიჭედა, მის გასაწმენდად, ქიმიური საშუალების შეძენა საჭირო არ არის. პრობლემის მოსაგვარებლად, მხოლოდ 1/2 ჭიქა საკვები სოდა და 1 ჭიქა ვაშლის ძმარი საკმარისი იქნება: ნიჟარაში ჩაყარეთ სოდა, ზემოდან დაასხით ძმარი და მას შემდეგ, რაც ქაფი დაეშვება, წყალი დაასხით.

ვაშლის ძმარი საუკეთესო გამწმენდი საშუალებაა: ძმარი და წყალი, პროპორციით 1 (ძმარი) : 2 (წყალი) ჩაასხით სპრეის ბოთლში. ეს საშუალება კარგად წმენდს სამზარეულოს და აბაზანის კედლის ფილებს.

ქვაბში ან ტაფაში ჩაასხით თანაბარი რაოდენობის წყალი და ძმარი, იმდენი, რომ ლაქა დაფაროს. ამის შემდეგ, დადგით ცეცხლზე და ადუღეთ 5 წუთი. თუ ლაქა დარჩება, ჭურჭელი გარეცხეთ ჭურჭლის სარეცხი საშუალებით და ლაქა მოსცილდება.

თუ გინდათ, რომ ყვავილებმა დიდ ხანს გაძლონ, ვიდრე ლარნაკში ჩააწყობთ, წყალში 2 სუფრის კოვზი შაქარი და 2 სუფრის კოვზი ვაშლის ძმარი ჩაამატეთ. გარდა ამისა, წყალი ყოველ დღე უნდა გამოცვალოთ და ყოველ ჯერზე, ეს ორი ინგრედიენტი დაამატოთ.

სტიკერის ან წებოვანი ლენტის აძრობის შემდეგ, ნებისმიერ ზედაპირზე, წებოვანი კვალი რჩება. დაიტანეთ ზედაპირის ამ უბანზე ვაშლის ძმარი. რამდენიმე წამის შემდეგ, მშრალი ქსოვილი გადაუსვით და ზედაპირი გაიწმინდება.

ჩაასხით ვაშლის ძმარი სპრეის ბოთლში და მსუბუქად მიასხურეთ ავეჯს, რომლის დაკაწვრაც კატას უყვარს. კატები ვერ იტანენ ძმრის სუნს და ამიტომ, ავეჯისგან თავს შორს დაიჭერენ.

როგორც ხედავთ, ვაშლის ძმრის გამოყენება, სხვადასხვა დანიშნულებით შეიძლება და იმისთვის, რომ სახლი სუფთა იყოს და კატამაც "თავისი ადგილი" იცოდეს, ძვირად ღირებული გამწმენდი საშუალებების შეძენა საჭირო არ არის.

P. S. კიდევ ერთი უნივერსალური, ყველაზე საჭირო და შეუცვლელი პროდუქტი სოდაა. არ არსებობს სხვა ისეთი პროდუქტი, რომელიც 1 დოლარზე ნაკლები ღირს, მაგრამ იმაზე მეტი ფუნქცია აქვს, ვიდრე რამდენიმე ძვირად ღირებულ პროდუქტს, ერთად აღებულს. სოდით შეიძლება თავის დაბანა, ისევე კარგად, როგორც შამპუნით, შეიძლება საჭმელში დამატება, სხვადასხვა ნივთების გარეცხვა და ზოგიერთი დაავადების მკურნალობის პროცესში გამოყენება. მისი საშუალებით, შესაძლებელია საკმაო რაოდენობის თანხის დაზოგვა, საყოფაცხოვრებო საჭიროების ქიმიურ და სამკურნალო საშუალებებზე. აქ სოდის გამოყენების 10 ხერხს გთავაზობთ. გაგრძელება >>>

არხის სხვა სიახლეები:

* რთული და ლოგიკური გამოცანები (პასუხები აქვს)

* ორი ლეგენდის შეხვედრა და სხვა საინტერესო ფაქტები ფრედი მერკურის შესახებ

* ორსქესიანი ოლიმპიური ჩემპიონი, რომელიც თავის მდგომარეობას სიცოცხლის ბოლომდე მალავდა