ფილმი "კლეოპატრა" (1963 წ.)-სკანდალური თავისი ბიუჯეტით და გადასაღებ მოედანზე კინოვარსკვლავებს შორის რომანით, გვიპყრობს არა მარტო ელიზაბეტ ტეილორის სილამაზით, არამედ მისი გარდერობითაც.

გულახდილად რომ ითქვას, ფილმის კოსტიუმები შორს არის იმდროინდელი (ძვ.წ. I საუკუნის) ჩაცმულობისგან, მაგრამ მიუხედავად ამისა, ფილმის სახეებმა გავლენა მოახდინეს მოდაზე, ვიზაჟი "კლეოპატრა" კი საკულტო გახდა.

კლეოპატრა ძალიან ჭკვიანი მმართველი იყო: ფლობდა ექვს ენას, საუკეთესო სტრატეგი და მანიპულატორი გახლდათ. რა თქმა უნდა გარდერობსაც შესაბამისად ირჩევდა.

ეგვიპტის დედოფალი ხაზს უსვამდა ქვეყნის ერთგულებას (მიუხედავად იმისა, რომ არა ეგვიპტელი, არამედ ეთნიკური ბერძენი იყო. მისი ოჯახის წარმომავლობა მაკედონელი ბერძნებიდან და ალექსანდრე დიდის გენერალ, პტოლემეოს პირველიდან მოდის). ამიტომ იგი ტრადიციული ეგვიპტური ჩაცმულობის მიმდევარი იყო, განსაკუთრებით ცერემონიების დროს.

1.ლიზი კლეოპატრას როლში 2.კლეოპატრას სიცოცხლისდროინდელი გამოსახულება შვილთან (ცეზარისგან)-ცეზარიონთან ერთად 3.თავსაბურავი ფილმისთვის.

მოცემულ სურათზე, ბარელიეფზე კლეოპატრა წარმოდგენილია ტრადიციული ეგვიპტური კაბით და თავსაბურავით, რომელსაც შუტი ეწოდება. სწორედ ასეთი თავსაბურავი, უფრო სწორად, ფარაონების გვირგვინი შექმნეს კინოსურათისთვის. იგი აუცილებელი ატრიბუტია ოფიციალური ცერემონიებისთვის და დღესასწაულებისთვის.

ორი ბუმბული და წრე-მზის სიმბოლო, რომელიც ხშირად ფრინველზე ან გველზეა გამოსახული.

ელიზაბეტ ტეილორის კოსტიუმი პირდაპირი მინიშნებაა იმისა, რომ კლეოპატრა ქალღმერთ ისიდას ცოცხალ განსახიერებად ითვლებოდა დედამიწაზე. და ფილმშიც ყველა ტრადიციული რიტუალური კოსტიუმი ასე თუ ისე ისიდას ჩაცმულობასთან არის მიახლოებული.

1.ისიდას გამოსახულება 2.ტეილორის 24 კარატიანი ოქროს კეიპი(მოსასხამი), რომელსაც ფრთების ფორმა აქვს.

ისიდასაც სხვადასხვა თავსაბურავები აქვს, ეს შეიძლება იყოს შუტი (ფრინველით ან გველით), უბრალოდ ფრინველი და ტახტრევანიც კი.

ისიდას გამოსახულებები

და რა თქმა უნდა, არ შეიძლება არ აღინიშნოს სამკაულები, რომლებიც ძალიან პოპულარული გახდა ფილმის ეკრანებზე გამოსვლის შემდეგ, კონკრეტულად გველის ფორმის ბეჭდები და სამაჯურები.

1960-იანი წლების მოდური ჟურნალები

გველის გამოსახულებიანი ბეჭდები და სამაჯურები, I საუკუნე, ეგვიპტე.

საინტერესო ფაქტი: გველის ფორმის სამკაულები არ იყო ეგვიპტეში პტოლემეების დინასტიამდე. ეს ცხოველების გამოსახულებიანი სამკაულები გაჩნდა აზიაში, დაახლ. ძვ. წ. მე-8 საუკუნეში.

გადახედეთ, იქნებ დაგაინტერესოთ: