54 წლის მონიკა ბელუჩის და 52 წლის ვენსან კასელის ქალიშვილი, 14 წლის დევა კასელი ნამდვილი მზეთუნახავი დადგა, გოგონას დედის გენებისგან ერგო ის სილამაზე და მომხიბვლელობა, რითაც მონიკა ბელუჩის ვიცნობთ: ხშირი შავი თმა, შავი თვალები და სისხლისფერი ტუჩები.

გასულ უქმეებზე მოზარდი გოგონა მილანში Dolce&Gabbana -ს მამაკაცთა კოლექციიის მოდის კვირეულზე გამოვიდა, დევა კასელს ეცვა შავი ჟაკეტი და შავი შარვალი, რომელიც კომბინირებული იყო წითელ ბლუზთან, შავ ხელის ჩანთასთან და შავ ქოშებთან

ეს იყო დევას დებიუტი Dolce&Gabbana-ში, ორიოდე თვის წინ გოგონამ იტალიის პატარა თვალწარმტაც ქალაქ როველოში პირველი ფოტოსესია გამართა.დედა, რომელიც დიდი ხანია Dolce&Gabbana -ს პარფიუმის სახეა, როგორც ჩანს ღირსეულ შემცვლელს ამზადებს ქალიშვილის სახით.

მონიკა ბელუჩი და ვენსან კასელი 14 წელი ცხოვრობდნენ ერთად, წყვილი 2013 წელს დაშორდა ერთმანეთს, ამჟამად მონიკას ახალი რომანი აქვს, იგი ხვდება 36 წლის ფრანგ მხატვარს ნიკოლას ლეფევრს.