მიუხედავად იმისა, რომ არსებობს უნივერსალური სამოსი, რომლის სახეობები არასოდეს გადადის მოდიდან, მოდის ექსპერტი-დიზაინერები ხშირად გვთავაზობენ განახლებულ ვარიანტებს.

ჩაცმა-დახურვის საკითხი კაცობრიობის მანძილზე მუდამ იყო აქტუალური. ქალებმა უხსოვარი დროიდან იცოდნენ, რომ სილამაზე მსხვერპლს მოითხოვდა და მზად იყვნენ გაერისკათ. ყოველთვის არსებობდნენ სტილისტები, დიზაინერები და მკერავები, რომლებიც ამ საკითხს სეზონის მიხედვით უზრუნველყოფდნენ დახვეწილი და თანამედროვე "შტრიხებით".

შემოდგომა წლის განსაკუთრებული დროა. დრო, როდესაც ზომიერი კლიმატი, ცისფერი ზეცა, მზიანი დღეები და გრილი ღამეები ქუჩებს თანდათანობით ყვითელი, ნარინჯისფერი და წითელი ფერების ათასგვარი ელფერით ამკობს. დრო, როდესაც მარადმწვანე ფიჭვებისა და კედრების მწვანე ფერს თავიანთი მონათესავე ფოთოლმცვივანი ხეების ხასხასა წითელი და ყვითელი ფერი ჩრდილავს. ჰოდა, ამ სეზონის 7 ყველაზე მოდური ფერი უკვე ცნობილია და დროა, თქვენი კარადა განაახლოთ.

1. მუქი მწვანე.

მუქი მწვანე, შემოდგომის ტენდენციებში ერთ-ერთი წამყვანი ფერია. ამიტომ, აირჩიეთ ისეთი ქსოვილის ტანსაცმელი, რომლებიც ამ ფერს უფრო მეტად გამოკვეთს და გაუსვამს ხაზს.

2. ვარდისფერი მარგალიტი.

"პუდრისფერი", ღია ფერის ვარდისფერი ქალურობას განასახიერებს. ეს ფერი, თეთრთან, მუქ მწვანესთან და ბორდოსფერთან კომბინაციაში, თქვენ ელეგანტურობას გაუსვამს ხაზს.

3. არისტოკრატული ლურჯი.

განსაკუთრებულად მიმზიდველია, თუ მუქი ლურჯი ფერის სამოსი იქნება ფუმფულა, თხელი და რბილი ქურქის მაგვარი ქსოვილისგან შექმნილი. თუ ამ ტონს შეურევთ თეთრთან, შავთან და ნარინჯისფერთან, საოცარი კომბინაცია გამოვა.

4. ბორდოსფერი.

ბორდოსფერს მრავალი შესატყვისი აქვს- შინდისფერი, მარსალა, ღვინისფერი. აღსანიშნავია, რომ ეს ფერი უნივერსალურია. მასში თქვენ შესანიშნავად გამოიყურებით ოფისშიც და პაემანზეც.

5. ფორთოხლის ყველა ტონი.

არ იქნება გადაჭარბებული იმის თქმა, რომ ფორთოხალსაც მრავალი ფერი აქვს - ატმისფერი, სტაფილოსფერი, აგურისფერი, ნარინჯისფერი, მზისფერი. ისინი ბორდოსფერსა და თეთრს, საოცრად უხდება.

6. მეწამული.

წელს, სეზონის ყველაზე განსაკუთრებული ფერია- მეწამული. მისი საუკეთესო კომბინაციაა მუქ ლურჯთან და ვარდისფერ მარგალიტთან.

7. "ელექტრო" ლურჯი.

ამ სეზონის ტენდენციებში "ელექტრო" (მანათობელი, მკაფიო) ლურჯი და ულტრამარინის ჩრდილები, განსაკუთრებით აქტუალურია. მისი შავთან, სველი ასფალტის და ხის ფერებთან კომბინაცია, საუკეთესო არჩევანია.

იხილეთ აგრეთვე:

● რა ეცვა ხალხს, სანამ შენ დაიბადე? მოდის ევოლუცია და სასიამოვნო კოლაჟი

● 12 რამ, რაც აუცილებლად უნდა იყოს ქალის კარადაში და რა ცვლილებები განიცადა მოდამ ჩვენამდე?

● როგორ იცვლებოდა მოდა თაობიდან თაობამდე. (გემოვნებიანი ქალბატონები- ნაწილი1)

● როგორ იცვლებოდა მოდა თაობიდან თაობამდე. (გემოვნებიანი ქალბატონები- ნაწილი2)

● როგორ ეწირებოდნენ სილამაზეს წარსულში