„ქართული ოცნების“ მაისურის ტარების გამო, ქუთაისის ფიზიკა-მათემატიკური სკოლის მეათე კლასის მოსწავლეები დირექტორმა გაკვეთილებიდან გამოიყვანა და 45 წუთის განმავლობაში საკუთარ კაბინეტში ესაუბრა. როგორც მოსწავლეები აცხადებენ, დირექტორმა გენადი მარგველაშვილმა მუქარისშემცველი ტონით მათ მოახლოებული გამოცდებიც შეახსენა. „ინფო 9“ -ის ჯგუფმა ფაქტის შესახებ დირექტორთან გასაუბრება მოახერხა. ფარული კამერით ჩაწერილ მასალაში გენადი მარგველაშვილმა მოსწავლეების კაბინეტში დაბარება დაადასტურა, მათი დაშინების მცდელობა კი უარყო.