გორის რაიონის სოფელ ხელთუბნის შესასვლელთან, ტელეკომპანია „მაესტროს“ გორის ბიუროს ხელმძღვანელის, ია თინიკაშვილის სამსახურეობრივ ავტომობილს, დაუდგენელმა პირებმა ცეცხლი გაუხსნეს. რამდენიმე ტყვია „მიცუბიშის“ მარკის ავტომობილის უკანა კარის მინას მოხვდა და საწინააღმდეგო მხარეს გამჭოლად გავიდა. სროლისგან არავინ დაშავებულა. „ინფო 9“- ის გადამღები ჯგუფის მისვლისას, შემთხვევის ადგილას პოლიციის ათამდე მანქანა იყო მობილიზებული. მიყენებული სტრესის გამო, შოკში მყოფ ჟურნალისტს საუბარი უჭირდა. სასწრაფო დახმარების ბრიგადამ მას პირველადი დახმარება გაუწია. როგორც ია თინიკაშვილმა მოგვიანებით სატელეფონო საუბარში „ინფო 9“- ს განუცხადა, იგი პოლიციაში აღნიშნულ ფაქტთან დაკავშირებით დაკითხვაზე იმყოფება.