ამ ეტაპზე გეოლოგთა ჯგუფი ბურღვით სამუშაოებს ასრულებს, რის შემდეგაც მიწაში ჩადებული კაფსულების აფეთქება მოხდება. ამის მიხედვით გახდება ცნობილი, საჭირო იქნება თუ არა აღნიშნულ ტერიტორიაზე ჭაბურღილის დადგმა.
სოფელში კომპანიის გამოჩენას მოსახლეობა აღშფოთებული შეხვდა. როგორც მათ „ინფო 9“-ს განუცხადეს, სახლები აფეთქებით გამოწვეულ რყევას ვერ გაუძლებს. ვერც ის გაარკვიეს, დაზიანების შემთხვევაში მოხდება თუ არა ზარალის ანაზღაურება.
„სტრეიტ პეტროლიუმის“ წარმომადგენლის თქმით, რომელმაც სამსახურებრივი სტატუსის გამხელა არ ისურვა, გაბურღვითი სამუშაოები მოსახლეობისთვის საშიში არ არის.