ნეკა ლუსია ეგბუნა დაიბადა და გაიზარდა ნიგერიაში. 19 წლის ასაკში საცხოვრებლად გერმანიაში გადავიდა და სწავლა ჰამბურგის უნივერსიტეტში განაგრძო. ამ პერიოდიდან ნნეკა, როგორც მომღერალი და სიმღერების ავტორი აქტიურ საქმიანობას იწყებს.

ნნეკა მსოფლიოს სხვადასხვა ქვეყნის სცენაზე რეგულარულად გამოდის ისეთ არტისტებთან ერთად, როგორებიც არიან Roots, Gnarls Barkley, Nas და Damian Marley. იგი აღიარებულია 2009 წლის საუკეთესო აფრიკელ შემსრულებლად.

2010 წელს მან ფეხბურთის მსოფლიო ჩემპიონატისთვის მიძღვნილი სიმღერა Viva Africa ჩაწერა. ჰიპ-ჰოპის ლეგენდა NAS მას "საოცარ" და "შეუდარებელ არტისტს" უწოდებს.

Sunday Times-მა მას ახალგაზრდა ლორენ ჰილი შეარქვა და ნნეკას სადებიუტო ალბომი ლორენ ჰილის ალბომს The Miseduction of Lauryn Hill შეადარა. მრავალ საერთაშორისო ნომინაციაში გამარჯვებული ნნეკა 2015 წლიდან უკვე ახალი ალბომით, My Fairy Tales წარსდგა მსმენელის წინაშე. My Fairy Tales რეტრო გრუვის, ტრადიციული ავთენტური აფრო-გრუვის ელემენტებითა და რუთს რეგის რითმიკით გამოირჩევა. ნნეკა ძალიან პოპულარული არტისტია საქართველოში ,ცნობილი მომღერალი კონცერტს ფილარმონიის დიდ საკონცერტო დარბაზში 12 სექტემბერს, 20:00 საათზე გამართავს.