მსუბუქი დიარეა, ალბათ, თქვენც გქონიათ და ეს არ ნიშნავს, რომ მთელ საზოგადოებას ეს პრობლემა აქვს, - განაცხადა საქართველოს თავდაცვის მინისტრმა ირაკლი ალასანიამ "რუსთავი 2"-ის თოქ-შოუ "არჩევანში". მინისტრი გამოეხმაურა სამხედრო ნაწილებში დიარეის ფაქტებთან დაკავშირებით გავრცელებულ ინფორმაციას და განაცხადა, რომ მიმდინარეობს მიზანმიმართული კამპანია ქართული ჯარის წინააღმდეგ. რაც შეეხება ტენდერებს, ალასანიას განცხადებით, თავდაცვის სამინისტროში ყველა ტენდერი კანონთან სრულ შესაბამისობაში ტარდება.