მეცნიერები ამტკიცებენ, რომ, შესაძლოა, მალე ფარდა აეხადოს ჩვენი სამყაროს ერთ-ერთ ყველაზე დიდ საიდუმლოებას. მკვლევართა ჯგუფმა, რომლებიც საერთაშორისო კოსმოსურ სადგურზე მაგნიტური ალფა-სპექტრომეტრის მუშაობას აკვირდება, კოსმოსში "ბნელი" მატერიის" არსებობის კვალი აღმოაჩინა.

"მჯერა, რომ კოსმოსურ სადგურზე ჩვენი ყოფნის პერიოდში საკმაო დრო გვექნება, რათა ამოვხსნათ ეს საიდუმლოება", - აცხადებს ნობელის პრემიის ლაურეატი სემუელ ტინგი.

"ბნელი მატერია" ეს არის სუბსტანცია, რომელიც არ წარმოქმნის ელექტრომაგნიტურ გამოსხივებას და არ ურთიერთქმედებს მასთან. ამიტომ მასზე პირდაპირი დაკვირვება შეუძლებელია.