მოსკოვის ბასმანის სასამართლომ საქართველოს პარლამენტის წევრ გივი თარგამაძეს დაუსწრებლად პატიმრობა შეუფარდა. ამის შესახებ რუსული მედია იუწყება. სასამართლოს აღნიშნული შუამდგომლობით გამოძიებამ მიმართა. გივი თარგამაძე ბრალდებულია რუსეთში მასობრივი არეულობების მომზადებაში.

ამასთან, მოსკოვის პოლიციამ საქართველოს პარლამენტის წევრ გივი თარგამაძეზე ფედერალური ძებნა ოფიციალურად რამდენიმე დღის წინ გამოაცხადა.

ამასთან, რუსეთის საგამოძიებო კომიტეტმა გივი თარგამაძეზე საერთაშორისო ძებნა გამოაცხადა. საგამოძიებო კომიტეტმა გივი თარგამაძე ბრალდებულად სცნო რუსეთის ტერიტორიაზე მასობრივი არეულობის ორგანიზებაში "მემარცხენე ფრონტის" ლიდერ სერგეი უდალცოვთან და მის თანაშემწე ლეონიდ რაზვოზჟაევთან კოორდინაციით.