ტაივანის აღმოსავლეთ სანაპიროზე 7, 4 მაგნიტუდის მიწისძვრა მოხდა. გეოლოგიური სამსახურების ცნობით კუნძულსა და მის მეზობელ ქვეყნებში მოსალოდნელია ცუნამი.

აშშ-ის გეოლოგიური სამსახურის ცნობით, მიწისძვრის ეპიცენტრი მდებარეობს ტაივანის ქალაქ ჰუალიენიდან სამხრეთით, დაახლოებით, 18 კილომეტრში.

იაპონიის მეტეოროლოგიური სააგენტოს ცნობით, ცუნამის 3 მეტრამდე ტალღები მოსალოდნელია იაპონიის სამხრეთ-დასავლეთ სანაპიროს დიდ ტერიტორიებზე.

ფილიპინების სეისმოლოგიურმა სააგენტომ ხალხი ცუნამის საშიშროებაზე გააფრთხილა.

ჩინეთის სახელმწიფო მედიის ცნობით, ბიძგები იგრძნობოდა ჩინეთის სამხრეთ-აღმოსავლეთ პროვინციის ფუჯიანის ნაწილებშიც.

წყარო: BBC