დღეს თურქული პროპაგანდა ჩვენი ერის წინამბრძოლებს, მესხებს ყივჩაღობას აჯერებს. ეს ის მესხებია, რომლებიც მუშქებად იწოდებოდნენ და რამდენიმე სახელმწიფოს განაგებდნენ როგორც სირიულ-ხეთურ სახელმწიფოებში, შემდგომში უკვე შუა ანატოლიაში ჯერ მუშქიად და შემდეგ ფრიგიად წოდებულ სამეფოში. ეს ის მესხებია, რომლებიც ცხოვრობდნენ არა მხოლოდ ანატოლიაში და მესოპოტამიაში, არამედ ასევე სამხრეთ საქართველოს ტერიტორიაზე და იბერიის სამეფოს დამფუძნებლები იყვნენ და შუა საუკუნეებშიც კი არ მონაწილეობდნენ ქართველთა მიერ წარმოებულ ომებში, თუ მეფე მათ პირველ რიგში დადგომას და მტერზე პირველი რიგიდან შესკდომას არ დაპირდებოდა. არ კადრულობდნენ მეორე რიგში დგომას. აი ამ ხალხს არწმუნებს დღეს თურქული პროპაგანდა, რომ ყივჩაღები არიან.
ძველი ბერძენი ისტორიკოსისა და გეოგრაფის, ჰეკატეოს მილეტელის (ძვ.წ. VI ს.) ამ ცნობის მიხედვით, მოსე ჯანაშვილი (1906 წ.) წერს, რომ "მოსხნი ( = მესხნი -- ქართველები) კოლხის გვარტომნი არიან. მაშასადამე, თვით კოლხიც ყოფილა იგივე ქართველი". (იხ. Hecatæi fragmenta 188; Müllerus 1841 წ., I ტ., გვ. 13).