1857 წლის 23 მაისს დიდი ბრიტანეთისა და ირლანდიის სამეფო საზოგადოების კომიტეტმა შეარჩია თიხის პრიზმაზე წარმოდგენილი აუსრეთის მეფის, ტიგლათ-ფილესერ I-ის ასურული ლურსმული წარწერა, რომელიც ჰენრი რაულინსონმა, უილიამ ფოქს ტალბოტმა, ედუარდ ჰინკსმა და ჟიულ ოპერტმა ერთმანეთისგან დამოუკიდებლად ძირითადად ერთნაირად გაშიფრეს. წარწერა დათარიღებულია ძვ.წ. 1112-1074 წლებით. ამჟამად ინახება ბრიტანეთის მუზეუმში.
.
ამ წარწერაში რაულინსონმა და ტალბოტმა „ქვეყანა კილხი/გილხი“ – „ქვეყანა კოლხეთი“ ამოკითხეს.
.
1857 წლის 23 მაისი გამოცხადდა მეცნიერების ახალი დარგის - ასირიოლოგიის დაბადების დღედ.
.
აგრეთვე იხ. აკად. გიორგი მელიქიშვილის წიგნი, სათაურით „როგორ ამეტყველდნენ ლურსმული წარწერები“, თბილისი, ნაკადული, 1961 წ.
.
ედუარდ ჰინკსი (1792-1866 წ.წ.) იყო მღვდელი;
უილიამ ფოქს ტალბოტი (1800-1877 წ.წ.) – ფიზიკოსი, ქიმიკოსი და მათემატიკოსი;
ჰენრი რაულინსონი (1810-1895 წ.წ.) – სამხედრო ოფიცერი;
ჟიულ ოპერტი (1825-1905 წ.წ.) – სწავლული.
.
ფოტო 2008 წლის 2 ნოემბერს გადაუღო თიხის პრიზმაზე წარმოდგენილ ასურულ ლურსმულ წარწერას გია კვაშილავამ.