ვსწავლობ შენს ქუჩებს და თანაც ნაბიჯ-ნაბიჯ,
გრძელი აივნებით, ჭრელი იერსახით.
მხიბლავს უბნები და შენი ხასიათი,
ხან ნაცრისფერი და ხანაც დარდიანი.
მიყვარს: ცისარტყელა სალტედ წვიმის შემდეგ,
ცა მოწმენდილზე და ოდნავ ღრუბლიანი,
შენი განთიადი, ბეღურებიანი,
დღე მზიანი და ღამე მთვარიანი,
კიდევ მთაწმინდა და ძველი ანჩისხატი,
ეკლესიებიდან ზარი მადლიანი,
ლოცვა ვედრების და...
ჯანმრთელი მზერა, თვალებში დარდი, უცხო სურნელი, გაშლილი ვარდი, დამთვრალი ეშხით გონდაკარგული,
და ცხრა მთას იქით გადაკარგული... ოცნებით ფრენა ცისფერ ღრუბლებში,
აყალ - მაყალი დამცხრალ სულებში,
ჯერ გაკვირვება, მერე დუმილი
და ახდენილი დიდი სურვილი.
ჩამქრალი ვნება, ჩამქრალი ალი,
და ამ ყველაფრის მიზეზი - ქალი!
|
|