ვსწავლობ შენს ქუჩებს და თანაც ნაბიჯ-ნაბიჯ,

გრძელი აივნებით, ჭრელი იერსახით.

მხიბლავს უბნები და შენი ხასიათი,

ხან ნაცრისფერი და ხანაც დარდიანი.

მიყვარს: ცისარტყელა სალტედ წვიმის შემდეგ,

ცა მოწმენდილზე და ოდნავ ღრუბლიანი,

შენი განთიადი, ბეღურებიანი,

დღე მზიანი და ღამე მთვარიანი,

კიდევ მთაწმინდა და ძველი ანჩისხატი,

ეკლესიებიდან ზარი მადლიანი,

ლოცვა ვედრების და ლოცვა ხათრიანი;

ღმერთო დიდებულო კვლავაც დაგვიცავი.