ტკივილი, კრუნჩხვები, სპაზმი _ მენსტრუაციის დროს ქალების უმრავლესობა განიცდის სხვადასხვა სიმძიმის ტკივილს და დისკომფორტს. საბედნიეროდ, უსიამოვნო შეგრძნებები უმრავლეს შემთხვევაში შესაძლებელია შემცირდეს ან სრულიად გაქრეს საკმაოდ მარტივი და ხელმისაწვდომი საშუალებებით.

გამოიყენეთ სათბურა

გამოიყენეთ სათბურა ან ცხელი წყლით ავსებული ნებისმიერი პლასტმასის ბოთლი. უკიდურეს შემთხვევაში თქვენი ნოუთბუქიც კი გამოდგება - სითბო ასტიმულირებს სისხლის მიმოქცევას და ამსუბუქებს ტკივილს იმდენად, რამდენადაც ხსნის სპაზმს და კრუნჩხვას.

უარი თქვით ყავაზე

უარი თქვით ყავაზე და კოფეინის შემცველ სხვა სასმელებზე, (შავი და განსაკუთრებით მწვანე ჩაი). საქმე იმაშია, რომ კოფეინი სხეულს ეხმარება წყლის შეკავებაში, მენსტრუაციის დროს კი ეს გამოიწვევს მუცლის გაბერვას და გააძლიერებს სპაზმებს.

აკონტროლეთ მარილის დონე

კიდევ ერთი პროდუქტი, რომლის მოხმარების დონეც კრიტიკული დღეების დროს უმჯობესია მაქსიმალურად შეამციროთ _ ეს არის მარილი. მისმა სიჭარბემ ორგანიზმში ასევე შეიძლება გამოიწვიოს შეშუპება და შედეგად „ კრიტიკული“ დღეები უფრო მტანჯველი გახადოს.

არ დაივიწყოთ სირბილი

დიახ, ეს საშინლად ჟღერს და უკანასკნელი, რაც ამ დროს არ გსურთ - ეს სირბილია, მაგრამ გარბენას ან თუნდაც ფეხით გასეირნებას ნამდვილად შეუძლია თქვენი დახმარება. საქმე ენდორფინშია, რომელიც ვარჯიშის დროს თავისუფლდება: მას შეუძლია გაანეიტრალოს კრუნჩხვების მასტიმულირებელი ჰორმონის მოქმედება.

აკონტროლეთ რკინის დონე სისხლში

ყველაზე მოსახერხებელია, ეს გაკეთდეს საკვების დახმარებით: ეცადეთ, რომ თქვენს რაციონში იყოს ბევრი კომბოსტო და ისპანახი. ისინი არ გადატვირთავენ ორგანიზმს, როგორც ამას ხორცი აკეთებს და შეძლებენ რკინის დეფიციტის დაფარვას.

ჭამეთ შოკოლადი

მრავალი ქალი განიცდის მენსტრუაციის წინ ან მის დროს შოკოლადის მიმართ მომატებულ ლტოლვას - და ეს არცაა გასაკვირი, შავ შოკოლადში ხომ ბევრი მაგნიუმია.

მაგნიუმი ეხმარება კრუნჩხვების და სპაზმების წარმოქმნის წინააღმდეგ ბრძოლაში. არ შეიკავოთ თავი -ასეთ დღეებში მწარე შოკოლადი საუკეთესო წამალია!

დაკავდით სექსით

სექსი პარტნიორთან ერთად ან მარტო - ეს ორგანიზმს ეხმარება სპაზმებთან ბრძოლაში, რადგან ამ დროს მუცლის ქვედა ნაწილში სისხლის ნაკადის მიწოდება იზრდება, ასევე თავისუფლდება ოქსიტოცინი - ჰორმონი, რომელიც ეხმარება საშვილოსნოს მოდუნებაში.

დალიეთ ჩაი კოჭათი

ან უბრალოდ დაამატეთ კოჭა ლიმონიან ცხელ წყალში. ეს სასმელი ამცირებს გულისრევის შეგრძნებას, ასევე ხსნის ტკივილს და ანთებას - ეს ისაა, რაც სწორედ ასეთ დღეებშია საჭირო.

უარი თქვით ვიწრო ტანსაცმელზე

შემოჭერილი არ ატაროთ _ გახსოვთ ეს ლოზუნგი ძველი რეკლამიდან? ყველაზე ცუდი რამ, რაც მენსტრუაციის დროს შეიძლება გაუკეთოთ საკუთარ სხეულს - ესაა, დატანჯოთ ის ვიწრო ჯინსებით ან მოჭერილი შარვლებით და ქამრებით. აირჩიეთ ტანსაცმელი, რომელშიც თქვენი მუცელი თავს იგრძნობს თავისუფლად!

***

იხილეთ ასევე:

1.ნახეთ რა რჩევებს აძლევდნენ ორსულ ქალებს ექიმები 150 წლის წინ

2. პატარა სასწაული ბავშვებისთვის, ქალებისთვის, მამაკაცებისთვის. ამის შემდეგ თქვენ ყოველ დღე შეჭამთ მწყრის კვერცხებს

3.აქტივირებული ნახშირი – არა მხოლოდ კუჭ-ნაწლავისთვის!

***