1. სცენა პირველი. სასტუმრო, რომელშიც სტუმრები და საპატარძლოს ნათესავები დაბინავდნენ. ვიღაც პირს იპარსავს, ვიღაც ჭამს, უცნაურად გამოწყობილი ოფიციანტები კი მსურველებს ყავით და ჩაით უმასპინძლდებიან.

2. ამ დროს კი, ცალკე ოთახში პატარძალს და სხვა გოგოებს სპეციალური ინით-მეჰენდით უხატავენ ხელებს და ფეხებს. რა თქმა უნდა, საპატარძლოს მოხატულობა უფრო ლამაზი და განსხვავებული უნდა იყოს.

3. ასაკოვანი ქალები მღერიან და სხვადასხვა რიტუალს ატარებენ

4. საპატარძლო მზადაა. საღამოს მისი ოჯახი საქმროს ოჯახს ხვდება, რომ არაფორმალურ გარემოში ისაუბრონ, უკეთ გაიცნონ ერთმანეთი და უბრალოდ გაერთონ.

5. საღამოს წვეულება. საქმრო თავისი საცოლისთვის რომანტიულ სიმღერას ასრულებს. შემდეგ კი ცეკვავენ. ეს ხომ ინდოეთია :)

6. ქორწილის მოსაწვევებიც მზადაა.

7. მეორე დღეს საჩუქრების ჩუქების ცერემონია იმართება. ამ დროს ნათესავები გულუხვობას იჩენენ და ოქროს, მარგალიტის თუ სხვა ძვირფას სამკაულებს არ იშურებენ საპატარძლოსთვის. ინდოელებს უყვართ ძვირფასეულობა. რაც მეტია, მით უკეთესია.

8. ამის შემდეგ წარმოდგენა იმართება, რომლიც საქმროს და საპატარძლოს მეგობრების და ნათესავების მიერაა მომზადებული.





9. საპატარძლო ცრემლებს ვერ იკავებს, რადგან მას დედამ სიმღერა მიუძღვნა.





10. ხოლო, როცა ბავშვობის ფოტოების სლაიდები გაუშვეს, ვერც სასიძომ შეიკავა ემოციები.





11. ახალგაზრდების პირველი ცეკვა




12. ბეჭდების გაცვლის ცერემონიალი. ამ ცერემონიალს უფრო წარმოდგენის ხასიათი აქვს და ევროპული ქვეყნებიდანაა გადმოღებული. ძირითადი ცერემონია, რომლის შემდეგაც წყვილი უკვე ცოლ-ქმარი ხდება, სულ სხვანაირია და ქორწილის მე-3 დღეს ტარდება.





13. მესამე დღეს, დილით ადრე, პატარძალს კურკუმისა და სხვადასხვა ნარევისგან მომზადებულ მასას უსვამენ, ეს ერთგვარი დალოცვის რიტუალია.




14. კალკუტის საუკეთესო ვიზაჟისტები პატარძალს ცერემონიისთვის ამზადებენ.



ეს უბრალო ბრჭყვიალა ქვები არ გეგონოთ. ყველაფერი ოქრო და ბრილიანტებია.

15. პატარძალიც მზადაა.


16.დარბაზს სადღესასწაულოდ ამზადებენ.

17. საქმროც მოვიდა. მას ხმაურით, ცეკვებით და დაფდაფებით ხვდებიან.

18.საქმრო ცერემონიაზე მიდის.

19. საქმრო სპეციალურ პიედესტალზე ადის და ამ დროს დგება კულმინაციური მომენტი - პატარძალი უნდა გამოჩნდეს. ეს მომენტი, შეიძლება ითქვას, რომ საკვანძოა ქორწილში და ამიტომ ყველა ცდილობს, რომ პატარძლის შემოსვლა ეფექტური იყოს.
ისმის მუსიკა და პატარძალი ტახტრევანზე დაბრძანებული შემოდის.

20. იწყება. წყვილი ერთმანეთში სპეციალურ ყელსაბამებს ცვლის. ამის შემდეგ ისინი ცოლ-ქმარი არიან.

21.და ბოლოს, ცერემონიის დასკვნითი ნაწილი - ბრამინი დალოცვის რიტუალს ატარებს. კითხულობენ ლოცვებს და ატარებენ სხვადასხვა რიტუალს.