არ დანებდეთ! – ეს არის ერთადერთი ხერხი წარმატების მისაღწევად. არ არსებობს უფრო მნიშვნელოვანი ცოდნა ცხოვრებაში, ვიდრე ცოდნა იმისა, თუ როგორ უნდა დადგე ფეხზე ისევ წარუმატებლობის შემთხვევაში. იმისათვის, რომ ეს მაქსიმალურად სწრაფად გააკეთოთ და დეპრესიაში არ ჩავარდეთ, უნდა გახსოვდეთ:

სიკვდილი – დანებების ერთადერთი საპატიო მიზეზია. ხოლო, სანამ ცოცხალი ხართ, მიზნის მისაღწევად შეუზღუდავი რაოდენობის ცდის შესაძლებლობა გაქვთ.

პირველივე ცდაზე რაღაცის კარგად გაკეთება შეუძლებელია, მაგრამ ეს არ უნდა გახდეს უკან დახევის მიზეზი. იქნება გადაცდენები, იქნება შეცდომები, მაგრამ გამოცდილებაც და საკუთარი გზაც იქნება.

ერთ პატარა პრობლემას არა აქვს თქვენი შეჩერების შანსი. ისევე, როგორც არა აქვს თქვენი შეჩერების შანსი ათ, ას ან ათას, მის მსგავს პრობლემას.

აიღეთ პასუხისმგებლობა, განაცხადეთ საკუთარი თავის შესახებ, მიაღწიეთ იმას, რისი მიღწევაც გინდათ. მოკრძალებულობა მხოლოდ ხანდახან არის სასარგებლო და ისიც, ზომიერების ფარგლებში.

თუ ვინმემ უკვე შეძლო ამის გაკეთება, მაშინ თქვენც შეძლებთ. იმ შემთხვევაშიც კი, თუ მსოფლიოში მხოლოდ ერთმა ადამიანმა შეძლო იმის მიღწევა, რაც თქვენ გსურთ, ეს საკმარისი მიზეზი უნდა იყოს იმისთვის, რომ არასდროს დანებდეთ.

მაშინაც კი, თუ ამბობენ, რომ ის აუხდენელია. ნუთუ გგონიათ, ყველაფერი მნიშვნელოვანი, რაც დედამიწაზე არსებობს, ირგვლივ მყოფების მხარდაჭერით და თანხმობით არის შექმნილი?

თქვენი ახლობლები, ისე როგორც არავინ, დაგეხმარებიან, რომ არ დანებდეთ და საკუთარი გზა გააგრძელოთ. გაუზიარეთ მათ საკუთარი განცდები, ნუ იქნებით გულჩათხრობილი.

ზუსტად ახლა, არიან ისეთი ადამიანებიც, რომლებიც ბევრად უფრო ცუდ სიტუაციაში და ცუდ გარემო პირობებში იმყოფებიან, ვიდრე თქვენ. გინდათ, რომ უარი თქვათ დილით სირბილზე? დაფიქრდით, გაიხსენეთ ადამიანები, სირბილი კი არა, სიარულიც რომ არ შეუძლიათ და რამდენ რამეს გაიღებდნენ იმისთვის, რომ ყოველდღე, რამდენიმე კილომეტრის გარბენის შესაძლებლობა ჰქონდეთ.

როდესაც მიზანს მიაღწევთ, ჩანაფიქრს განახორციელებთ, – თქვენ შეგიძლიათ თქვენი წარმატება, მსოფლიოში ცვლილებების განსახორციელებლად გამოიყენოთ, ან თუნდაც, ცალკეული ადამიანების ცხოვრება შეცვალოთ.

და არასდროს მისცეთ სხვას, საწინააღმდეგოს თქმის უფლება. თქვენ იმსახურებთ ბედნიერებას და იმსახურებთ წარმატებას. შეინარჩუნეთ ეს განწყობა და არასდროს დანებდეთ.

რომ არ დანებდით, გახდით სხვებისთვის შთაგონების წყარო. ვინ იცის, რის მიღწევას შეძლებენ ისინი თქვენი მაგალითით?

ჩინური სიბრძნის თანახმად, დანებების ცდუნება, ყველაზე ძლიერი გამარჯვების წინ არის. ასე, რომ, თუ დანებების გრძნობა გაგიძლიერდათ, ე. ი. გამარჯვება შორს აღარ არის. გამაგრდით!!!

P. S. ყველაფერს თავისი დრო აქვს. ცნობისთვის, უოლტ დისნეი გაზეთიდან გააგდეს არასაკმარისი იდეების არქონის გამო, მენდელეევს დამაკმაყოფილებელი ნიშანი ჰქონდა ქიმიაში, აინშტაინი 4 წლამდე ვერ ლაპარაკობდა და მასწავლებელმა ის გონებაჩამორჩენილად გამოაცხადა. გაიხსენეთ ეს მაშინ, როდესაც იფიქრებთ, რომ არაფერი გამოგდით. თქვენი დროც მოვა... აუცილებლად!