მუსბაჰუს გააჩნია ქალის და მამაკაცის ანატომია, ანუ ის ინტერსექსუალია. აქედან გამომდინარე, 24 წლის ახალგაზრდის სქესის გამოვლენა შეუძლებელია. ნიგერიაში ინტერსექსუალად დაბადება ნამდვილად ჯოჯოხეთში ცხოვრებას ნიშნავს!

მუსბაჰუმ BBC -ის ვრცელი ინტერვიუ უბოძა - "როდესაც გავიგე, რომ არც ბიჭი ვარ და არც გოგო, შოკში ვიყავი"

" სკოლაში სიარული შევწყვიტე, რადგან ჩემი თანატოლები ყოველთვის აბუჩად მიგდებდნენ, ეს ჩემზე ძალიან ცუდად მოქმედებდა. ამ ტრავმამ იმ ზომამდე მიმიყვანა, რომ რამოდენიმეჯერ თვითმკვლელობამაც გამიელვა თავში"

მუსბაჰუ იღბლიანია, რათა მშობლებმა და ახლო ნათესავებმა ის ისეთი მიიღეს, როგორიც არის. თუმცა მამამისი არ მალავს იმ ფაქტს, როდესაც მან მუსბაჰუს ინტერსექსუალობის შესახებ შეიტყო: - "უდიდესი ტრავმა მივიღე, ძალიან ცუდად ვგრძნობდი თავს, თითქოს დედამიწა თავზე გადმომაწვა, ღმერთს გავუნაწყენდი"

მუსბაჰუ ცხოვრობს როგორც მამაკაცი, იცვამს კაცურად, იქცევა კაცურად, სახელიც მამაკაცურია, თუმცა გარდატეხის ასაკში, ინტერსექსუალობის პრობლემამ შეაწუხა. 10 წლისას მკერდი ეზრდებოდა, ხოლო 11 წლის ასაკში დაეწყო მენსტრუაცია.

ქალაქ კანოში მდებარე ბაიეროს უნივერსიტეტის პროფესორი ანას იაია ადასტურებს იმ ფაქტს, რომ ნიგერიაში ყოველი 2000 ბავშვიდან ერთი ინტერსექსუალად იბადება. თუმცა ნიგერიაში ინტერსექსუალებს კეთილი განწყობით არ ხვდებიან.

სამედიცინო მოცემულობათა ნაკრები, როდესაც ადამიანები იბადებიან ისეთი სქესობრივი ქრომოსომებით, გარეგენიტალიებით ან შინაგანი რეპროდუქციული სისტემით, რომელიც არ მიიჩნევა „სტანდარტულად“ არც მამაკაცისათვის და არც ქალისათვის. ახალშობილ ინტერსექსუალ ბავშვებს, როგორც წესი, ექიმები მიაკუთვნებენ ან მდედრობით ან მამრობით სქესს და მათ სხვადასხვა პროცედურას უტარებენ, რათა მათი სხეულები სოციალურ ნორმებს პასუხობდეს. თუმცა, მრავალი ინტერსექსუალი აქტივისტი აპროტესტებს ბავშვებზე ოპერაციების ჩატარებას. ინტერსექსუალი პირები საკუთარ სექსუალურ და გენდერულ იდენტობებს სხვანაირად ხსნიან.