სიზმრები - გარკვეული ნიშნებია წარსულისა თუ მომავლის შესახებ. მათი წაკითხვა და ამოცნობა შესაძლებელია. იუნგი ამბობდა, რომ ძილის დროს ადამიანს შეუძლია შეიჭვრიტოს თავის ცნობიერებასა და შინაგან სამყაროში. მეცნიერებისათვის დიდი ხანია ცნობილია, რომ სიზმრის დროს მომხდარზე ჩვენი ტვინი ისევე რეაგირებს, როგორც რეალურ ცხოვრებაში არსებულ საგნებსა და გარემოებებზე.

სიზმარმა შესაძლებელია მოგცეთ მინიშნება მასზე, რაც ყველაზე მეტად გაფორიაქებთ და გიჩვენოთ მიმართულება იმისა, თუ როგორ ჯობს მოქცევა ამა თუ იმ სიტუაციაში.

ყურადღება: თუ თქვენ ეს ქმედებები ან საგნები გესიზმრებათ, არ ღირს მათი იგნორირება!

1. თუ სიზმარში დაფრინავთ

ფრენა სიმბოლიზირდება თავისუფლებასა და დამოუკიდებლობასთან. სწორედ ამისკენ მიისწრაფით თქვენ. თუ სიზმარში ფრენის დროს მიწაზე ეცემით, ეს ნიშნავს, რომ მიზნის შესასრულებლად არაერთი დაბრკოლების გადალახვა მოგიწევთ.

2. ჩანჩქერები

სიზმარში უმშვენიერესი ჩანჩქერი იხილეთ? - ეს კარგის ნიშანია. ჩანჩქერი სისუფთავეს, განწმენდას, პრობლემების და უსიამოვნო ინციდენტების მოშორებას ნიშნავს. შესაძლოა, უახლოეს მომავალში თქვენ შეძლებთ დაამარცხოთ სურვილები და ჩვევები, რომლებიც ხელს გიშლით ჯანსაღი წესით ცხოვრებაში.

3. კბილები

თუ გესიზმრათ, რომ ვინმემ კბილი ამოგაძროთ, ეს ნიშნავს, რომ თქვენ გეშინიათ ახლობელი ადამიანის დაკარგვის. თუ სიზმარში კბილები გცვივათ-ესე იგი, დაბნეული ხართ, რაც ხელს გიშლით მიზნის მიღწევაში. დაგესიზმრათ, რომ ჭიანი და სუნიანი კბილები გაქვთ? - უახლოეს მომავალში ჯანმრთელობასთან დაკავშირებული პრობლემები გაგიჩნდებათ.

4. სიკვდილი

სიზმარში საკუთარი სიკვდილი იხილეთ? - ესე იგი, საკმაოდ დიდხანს იცოცხლებთ. საყვარელი, ახლობელი ადამიანის სიკვდილი დაგესიზმრათ? -არ ინერვიულოთ: ეს ადამიანი დიდხანს და ჯანმრთელად იცხოვრებს.

5. ფეხმძიმობა

დაგესიზმრათ, ვითომ ფეხმძიმედ ხართ? - თქვენ სიმდიდრე, წარმატება, უზრუნველი ცხოვრება გელოდებათ. გესიზმრათ, რომ თქვენი ქალიშვილი ან უახლოესი ადამიანი ფეხმძიმედაა?- ეს იგი, მის ცხოვრებაში ყველაფერი რიგზე იქნება; ხოლო თუ სიზმარში ნახეთ, რომ ფეხმძიმედ ხართ და ნაყოფს იშორებთ, ეს ნიშნავს, რომ ცხოვრების ინტერესს დაკარგავთ ან საყვარელი ადამიანი მიგატოვებთ.

6. სახლი

სიზმარში ლამაზი და კეთილმოწყობილი სახლი იხილეთ? - ეს ფუფუნებასა და სიმდიდრეში ცხოვრებას გიწინასწარმეტყველებთ. თუ ნახევრადდანგრეულ და გადახრილ სახლს ნახავთ - პრობლემებს უნდა ელოდოთ. საავადმყოფო გესიზმრათ?- დასვენების და შვებულების დროა; სავაჭრო ცენტრი-დროა შეწყვიტოთ ფულის უაზროდ ფლანგვა; საერთო საცხოვრებელი ბინის შეცვლას მოასწავებს, ხოლო ციხე ნიშნავს, რომ შესაძლოა, თქვენ უნებლიე კანონდამრღვევი გახდეთ.

7. ფული

სიზმარში ფულის პოვნა მცირე უსიამოვნებების მომსწავებელია, თუმცა საბოლოდ ყველაფერი კარგად დასრულდება; ფულის გაცემა წარუმატებლობას გიქადით, ხოლო დაკარგვა ნიშნავს, რომ შეიძლება სამუშაოდან გაგათავისუფლონ. დიდი რაოდენობით ფულის დათვლა ნიშნავს, რომ დიდი წარმატება და სიხარული გელოდებათ.

8. ღალატი

სიზამრში ნანახი ღალატი ყოველთვის ნიშნავს ცხოვრებაში მოსალოდნელ ცვლილებებს. ნამდვილად კმაყოფილი ხართ ქორწინებით?- ხომ არ დადგა დრო, რაიმე შეცვალოთ თქვენ პირად ცხოვრებაში? - გახადოთ ის უფრო წარმატებული და ბედნიერი.

9. ცეცხლი

ცეცხლის ნახვა სიზმარში კარგის ნიშანია. ის სიმბოლიზირდება სითბოსა და სინათლესთან. სიზმარში ცეცხლს ანთებდით? - ესე იგი სასიამოვნო მოულოდნელობა გელოდებათ. ცეცხლის ჩაქრობას ცდილობდით? - მძიმე სამუშაო გაქვთ და მიზნის მისაღწევად ბევრი შრომა მოგიწევთ. თუ ღუმელში აგიზგიზებული ცეცხლი ნახეთ, ეს სიმდიდრეს და კეთილდღეობას ნიშნავს. ნახეთ, რომ თქვენი სახლი ცეცხლში იწვოდა?- ფანტასტიკური წარმატება და სიხარული გელოდებათ.

10. სიშიშვლე

სიშიშვლე ასოცირდება კომპლექსებთან. როცა ტანსაცმლის გარეშე ხართ, თავს დაუცველად, დაძაბულად გრძნობთ. შესაძლებელია, ისეთ ურთიერთობაში ხართ, რომ გეშინიათ, არ მოგიშორონ თავიდან. შეიძლება შიში გაქვთ, რომ თქვენ ფიქრებს და გრძნობებს გამოააშკარავებენ. იქნებ რაღაც საიდუმლო გაქვთ და შიშობთ, რომ მის შესახებ სხვები გაიგებენ? - ტანსაცმელი საშუალებას გაძლევთ დაფაროთ გრძნობები და შეცდომები, მის გარეშე თქვენ დაუცველად გრძნობთ თავს.